អាយុថ្លៃមែន! បេក្ខជន AGT ម្នាក់ប៊ិះក្លាយជាចំណីសត្វក្រពា ពេលលេងឈុតសាហាវ១
- 2018-08-04 08:44:17
- ចំនួនមតិ 0 | ចំនួនចែករំលែក 0
អាយុថ្លៃមែន! បេក្ខជន AGT ម្នាក់ប៊ិះក្លាយជាចំណីសត្វក្រពា ពេលលេងឈុតសាហាវ១
ចន្លោះមិនឃើញ
Lord Nil គឺជាបេក្ខជន America's Got Talent រដូវកាលថ្មីម្នាក់ដែលព្យាយាមបង្ហាញភាពអស្ចារ្យមិនខ្លាចគ្រោះថ្នាក់ នៅពេលលោកសម្ដែងវិញ្ញាសាសាហាវៗ ពិសេសនៅវគ្គ Judge Cuts។
បេក្ខជនរូបនេះបានបង្កើតឈុតឆាកដ៏សែនគ្រោះថ្នាក់មួយជាមួយសត្វក្រពា (អម្បូរសត្វក្រពើ)។ Lord Nil បានធ្វើឲ្យគ្រប់គ្នាដែលកំពុងទស្សនាការសម្ដែងរបស់ខ្លួនភ័យព្រឺព្រួចរកអ្វីប្រៀបផ្ទឹមពុំបាន ពេលលោកពាក់អាវជាប់ខ្សែចំណង និងព្យួរជើងជាប់ជាមួយរបស់ម្យ៉ាង ដែលត្រូវបានដុតដោយភ្លើង ហើយសំយ៉ុងក្បាលចុះ ពីលើទ្រុងមានសត្វក្រពានៅខាងក្នុងកំពុងរង់ចាំចំណី។
ចំណងខ្សែពួរដែលជាប់ជើងរបស់លោក បានឆេះដាច់ដោយសារកម្លាំងភ្លើង ម្ដងមួយៗ រហូតដល់ខ្សែចុងក្រោយ បេក្ខជនរូបនេះស្ទើរតែធ្វើគ្រប់គ្នាដែលកំពុងទស្សនា ពិសេសគណៈកម្មការនៅមុខរន្ធត់ភ័យ ខ្លាចមានគ្រោះថ្នាក់ជាយថាហេតុណាមួយកើតឡើង។ ប្រសិនលោកស្រាយចំណងនោះមិនទាន់ពេលទេ Lord Nil នឹងក្លាយជាចំណីសត្វក្រពាភ្លាមៗ ហើយបង្កឲ្យមានរឿងមិនល្អកើតឡើងជាប្រាកដ។
ជាសំណាងល្អ Lord Nil អាចធ្វើបានដោយជោគជ័យ និងធ្វើឲ្យគ្រប់គ្នាសាទរពេញស្ទូឌីយោផ្សាយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
