បែកធ្លាយប្រអប់ខ្នងក្រោយ Galaxy Note 9 ដឹងខ្ទេចពីលក្ខណៈសម្បត្តិម៉ាស៊ីន

2018-08-05 02:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីលេចធ្លាយ វីដេអូបង្ហោះខុសបច្ចេកទេសនៃ Galaxy Note 9 បន្តទៀតនេះក្នុងទីផ្សារប្រទេសរុស្ស៊ីក៏ស្រាប់តែមានការបង្ហោះចែកចាយពីប្រអប់រុំខ្ចប់ផ្លូវការ បង្ហើបខ្ទេចគ្មានសល់ពីលក្ខណៈ សម្បត្តិម៉ាស៊ីននៃត្រកូល Note ឆ្នាំ ២០១៨។

ផ្អែកតាមការរ៉ាយរ៉ាប់ខាងខ្នងប្រអប់ Note 9 បំពាក់អេក្រង់ ៦,៤ អ៊ីញ កម្រិត QHD+ Super AMOLED អមកាមេរ៉ាភ្លោះទំហំ 12MP មាន Aperture ផ្លាស់ពី f/1.5 ទៅ 2.4 និងមួយគ្រាប់ទៀត 12MP មាន Aperture f/2.4 បន្សំកាមេរ៉ាមុខ 8MP មុខងារ Autofocus។

ដោយមិនខុសពីការរំពឹងទុក Note ឆ្នាំនេះ ក៏អាចថតវីដេអូ Slow-motion ដល់កម្រិត 960fps ដូចម៉ូឌែល Galaxy S9+ បន្ថែមអង្គផ្ទុក 128GB ស៊ីសងនឹង RAM ទំហំ 6GB ជាមួយការវិវត្តថាមពលថ្មដល់ ៤ ០០០mAh ។ លើសពីនេះទាំងឧបករណ៍បំពងសំឡេង Stereo speakers ក៏ដូចជាកាសត្រចៀកសុទ្ធសឹងសហការផលិតដោយក្រុមហ៊ុនស្លាកយីហោល្បីឈ្មោះ AKG ខណៈអាវក្រោះការពារទឹករក្សាឈរលើស្តង់ដារ IP68 ដដែល។