ចាប់ដាក់បញ្ចាំងភ្លាម "Along With The Gods 2” បំបែកឯកត្តកម្មមិនចេះតិច

2018-08-05 08:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តកូរ៉េ "Along With The Gods 2 ឬ Along With The Gods: The Last 49 Days” បានបំបែកឯកត្តកម្មជាច្រើននៅប្រទេសកូរ៉េបន្ទាប់ពីចាប់ដាក់បញ្ចាំងអស់រយៈប៉ុន្មានថ្ងៃនៅប្រទេសកូរ៉េ។ បើយោងទៅតាមឯកសារបានមកពីក្រុមប្រឹក្សាភាពយន្តប្រចាំប្រទេសកូរ៉េ ភាពយន្ត "Along The God” វគ្គថ្មីនេះ ទទួលបានមនុស្សទៅចូលរួមទស្សនាដល់ទៅ ៥,៤០៩,៨១៧នាក់គិតត្រឹមម៉ោង១២យប់ នៅថ្ងៃទី៥ខែសីហានេះ។

កាលពីថ្ងៃទី៤ខែសីហា ក្នុងតែមួយថ្ងៃនោះភាពយន្តនេះមានអ្នកចូលទស្សនាដល់ទៅ ១,៤៦៦,៤១៦នាក់។ ចំនួននេះបានបំបែកឯកត្តកម្មមនុស្សចូលរួមទស្សនាភាពយន្ត តែក្នុងមួយថ្ងៃនៅកូរ៉េ ដែលយកឈ្នះភាពយន្ត "Avengers: Infinity War” ដោយទទួលបានអ្នកទស្សនា ១,៣៣៣,៣១០រូបក្នុងមួយថ្ងៃ។

មិនត្រឹមតែប៉ុណ្ណោះភាពយន្តនេះ ក៏បានបំបែកឯកត្តកម្មជាភាពយន្តដែលទទួលបានអ្នកចូលទស្សនាដល់ទៅ ៥លានរូបលឿនបំផុត។ ចំនួនសរុបទាំងនេះគឺបានមកពីចំនួនសរុបអ្នកទស្សនាក្នុងរយៈពេលតែ៥ថ្ងៃដំបូងប៉ុណ្ណោះ ដែលចំនួននេះទទួលបានក្នុងរយៈពេល២ថ្ងៃលឿនជាងបើធៀបនឹងរឿងចាស់។ លើសពីនេះទៅទៀតភាពយន្តក៏រកចំណូលបានសរុប មួយថ្ងៃលឿនជាងរឿង "The Admiral: Roaring Currents” ជាភាពយន្តរកចំណូលបានច្រើនជាងគេរបស់ប្រទេសកូរ៉េទៀតផង។

ដើម្បីអបអរនូវការសម្រេចបាននេះ តួអង្គសម្ដែង Ha Jung Woo, Joo Ji Hoon, Lee Jung Jae និងអ្នកដឹកនាំរឿង Kim Yong Hwa បានបង្ហោះរូបថតពួកគេកាន់ប៉េងប៉ោងដែលមានលេខ "500”។ ភាពយន្តនេះក៏នឹងចាប់ដាក់បញ្ចាំងទូទាំងពិភពលោក ឆាប់ៗនេះហើយ៕