វីរុសធ្វើស៊ីមួយប្រាវ ក្រុមហ៊ុនផលិតបន្ទះឈីប TSMC ជួបរឿងឈឺក្បាលមិនចេះតិច
- 2018-08-06 02:04:39
- ចំនួនមតិ 0 | ចំនួនចែករំលែក 0
វីរុសធ្វើស៊ីមួយប្រាវ ក្រុមហ៊ុនផលិតបន្ទះឈីប TSMC ជួបរឿងឈឺក្បាលមិនចេះតិច
ចន្លោះមិនឃើញ
ប្រព័ន្ធវីរុសលើកុំព្យូទ័របានអុកឡុកលទ្ធផលទិន្នន័យក្នុងត្រីមាសទី ៣ របស់ក្រុមហ៊ុនផលិតបន្ទះឈីប TSMC។ កាលពីថ្ងៃសោរ៍កន្លងទៅក្រុមហ៊ុនយក្សត៉ៃវ៉ាន់មួយនេះបានឲ្យដឹងថា ប្រព័ន្ធកុំព្យូទ័ររបស់ខ្លួនជាច្រើនត្រូវបានវីរុសជ្រៀតចូល ប៉ុន្តែបញ្ហានោះក៏ត្រូវចាប់ដោះស្រាយភ្លាមៗ។
គ្រប់យ៉ាងនឹងដំណើរការដូចដើមវិញនាថ្ងៃទី ៦ សីហា ខណៈក្នុងនាមជាអ្នកផ្គត់ផ្គង់ធំបំផុតមួយឲ្យ Apple ក៏បានឲ្យដឹងថា៖ "TSMC រំពឹងទុកថាបញ្ហានេះនឹងជះឥទ្ធិពលដល់ការពន្យារពេលដឹកជញ្ជូននិងកើនឡើងការចំណាយបន្ថែម ដោយទំហំប៉ះពាល់ចំណូលប្រចាំត្រីមាសទី ៣ អាចដល់ ៣ ភាគរយ និងប្រាក់ចំណេញ ១ ភាគរយ"។
ក្រុមហ៊ុនមានស្ថាបនិកលោក Morris Chang បន្តទៀតថា៖ "យើងជឿជាក់យ៉ាងមុតមាំថាការពន្យារពេលដឹកជញ្ជូនក៏នឹងត្រូវបានដោះស្រាយឲ្យចប់សព្វគ្រប់នាត្រីមាសក្រោយ ក៏ដូចជារក្សាការព្យាករណ៍ទំហំចំណូលផ្ដល់ជូននាថ្ងៃទី ១៩ កក្កដា ឆ្នាំ ២០១៨"។
បញ្ជាក់ថាការឆ្លងចូលវីរុសនេះ កើតឡើងអំឡុងពេលខាងក្រុមហ៊ុនដំឡើង Software ថ្មី ប៉ុន្តែស៊យធំក៏មានផ្ទុកវីរុស រួចឆ្លងទៅកាន់ប្រព័ន្ធកុំព្យូទ័រមេរបស់ក្រុមហ៊ុន ប៉ុន្តែទាក់ទងនឹងទិន្នន័យក៏ដូចជាព័ត៌មានសម្ងាត់ពុំត្រូវបានបែកធ្លាយនោះទេ យ៉ាងណាមិញ TSMC ក៏នៅព្យាយាមបន្តយកចិត្តទុកដាក់លើគម្លាតប្រព័ន្ធសន្តិសុខមួយនេះបន្ថែមទៀត។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
បែកធ្លាយប្រអប់ខ្នងក្រោយ Galaxy Note 9 ដឹងខ្ទេចពីលក្ខណៈសម្បត្តិម៉ាស៊ីន
បុរសចិនចិត្តខ្លាំងម្នាក់ រកច្រកចេញឡានមិនរួច ធ្វើរឿងមួយល្បីពេញអ៊ីនធើណិត(មានវីដេអូ)