កីឡាករបែលហ្សិកឡើងជើងក្នុង World Cup សម្រេចដើរចេញពីចិនមកចូលរួមជាមួយ Dortmund
- 2018-08-06 13:54:56
- ចំនួនមតិ 0 | ចំនួនចែករំលែក 0
កីឡាករបែលហ្សិកឡើងជើងក្នុង World Cup សម្រេចដើរចេញពីចិនមកចូលរួមជាមួយ Dortmund
ចន្លោះមិនឃើញ
ក្នុងថ្ងៃនេះ ខ្សែបម្រើ Axel Witsel បានចាកចេញពីក្លឹបចិន Tianjin Quanjian មកចូលរួមក្លឹបអាល្លឺម៉ង់ Borussia Dortmund។
ក្នុងឱកាសនេះ កីឡាករបាននិយាយ៖ "ក្រោយព្រឹត្តិការណ៍ World Cup គោលដៅរបស់ខ្ញុំគឺផ្ទេរពីចិនមកលេងនៅអឺរ៉ុប។ ខ្ញុំសប្បាយចិត្តខ្លាំងណាស់ និងមានមោទនភាពដែលបានចូលលេងឲ្យ Dortmund"។
កីឡាករបានបញ្ជាក់ថា ខ្លួនមិនចាំបាច់គិតពីរដងទេ នៅពេលដែល Dortmund បានមកទាក់ទងខ្លួន។ សម្រាប់ខ្សែបម្រើ Witsel ក្លឹប Dortmund ស្ថិតក្នុងចំណោមក្លឹបដែលល្អបំផុតលើលោក។
Witsel បានចាប់អាជីពនៅក្លឹបបែលហ្សិក Standard Liege និងលេងនៅទីនោះ ពីឆ្នាំ ២០០៦ ដល់ ២០១១ មុនចាកចេញទៅលេងឲ្យ Benfica។ លេងឲ្យក្លឹបព័រទុយហ្គាល់បានមួយរដូវកាល កីឡាករបានទៅចូលរួមជាមួយក្លឹបរុស្ស៊ី Zenit Saint Petersburg។ ក្រោយលេងនៅទីនោះសរុប ១៧៩ ប្រកួត និងស៊ុតចូល ២២ គ្រាប់ ខ្សែបម្រើបែលហ្សិកបានសម្រេចចេញទៅចូលរួមជាមួយក្លឹប Tianjin Quanjian កាលពីខែមករា ឆ្នាំ២០១៧។ នៅក្លឹបចិន កីឡាករលេងបានសរុប ៤៧ ប្រកួតនិងស៊ុតចូល ៦ គ្រាប់។
ក្នុង World Cup ២០១៨ ខ្សែបម្រើ Witsel ត្រូវបានគេមើលឃើញថាបានបង្ហាញទម្រង់លេងបានយ៉ាងល្អ ក្នុងតួនាទីជាខ្សែបម្រើការពារ។ កីឡាករបានរួមចំណែកយ៉ាងសំខាន់ក្នុងការជួយឲ្យបែលហ្សិកសម្រេចបានចំណាត់ថ្នាក់លេខ ៣ ក្នុងកម្មវិធីមួយនេះ៕