គ្រូបង្វឹក ស្វាយរៀង ថាត្រៀមគ្រប់យ៉ាងអស់ហើយ សម្រាប់ប៉ះទ័ពស្អែក

2018-08-07 03:15:29
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Conor Nestor គ្រូបង្វឹកក្រុមព្រះខ័នរាជស្វាយរៀង បានបញ្ជាក់ថាសមាជិកក្រុមទាំងមូលបានត្រៀមខ្លួនរួចជាស្រេចហើយ សម្រាប់ការប្រកួតទល់ក្រុមក្រសួងការពារជាតិ វគ្គ៨ក្រុមចុងក្រោយ Hun Sen Cup ស្អែកនេះ។

លោក Nestor គ្រូបង្វឹកស្វាយរៀង

កាលពីជើងទី១កន្លងទៅ នៅទឹកដីស្ដាតចាស់ ក្រុមស្វាយរៀងបានយកឈ្នះលើក្រុមក្រសួងការពារជាតិ ១-២ រូចមកហើយ។ ដូច្នេះសម្រាប់ជើងទី២នេះ នឹងធ្វើឱ្យការប្រកួតកាន់តែស្វិតស្វាញខ្លាំង ព្រោះថាក្រសួងការពារជាតិត្រូវការឈ្នះ ទើបអាចឡើងទៅវគ្គបន្ដបាន ស្របពេលស្វាយរៀងវិញ ជាក្រុមការពារតំណែងជើងឯក លេងក្នុងដីខ្លួនឯងទៀត ពិតជាមិនចង់បរាជ័យមុខអ្នកគាំទ្រឡើយ។

លោក Nestor គ្រូបង្វឹកស្វាយរៀង បាននិយាយមុនការប្រកួតនេះថា ក្រុមទាំងមូលបានរៀបចំយ៉ាងល្អ ដើម្បីទទួលក្រុមក្រសួងការពារជាតិ។ សមាជិកស្វាយរៀងទាំងអស់ រង់ចាំការប្រកួតនេះ ដើម្បីបង្ហាញសមត្ថភាព និងយកឱកាសឡើងទៅវគ្គបន្ដ។ ស្អែកនឹងក្លាយជាប្រកួតពិបាកមួយសម្រាប់ស្វាយរៀង ព្រោះការពារជាតិជាក្រុមលេងសហការគ្នាបានល្អ។ លទ្ធផលពិតជាពិបាកស្មានជាក់ជាមិនខាន៕

អត្ថបទ៖ មុន្នីរម្យ