មានអ្នកប្រាប់ថាកាមេរ៉ា Galaxy Note 9 អត់ដូច Galaxy S9+ ទេ
- 2018-08-07 04:28:13
- ចំនួនមតិ 0 | ចំនួនចែករំលែក 0
មានអ្នកប្រាប់ថាកាមេរ៉ា Galaxy Note 9 អត់ដូច Galaxy S9+ ទេ
ចន្លោះមិនឃើញ
អ្នកប្រើប្រាស់បណ្ដាញ Reddit មួយរូប ដែលបានអះអាងថាមានទំនាក់ទំនងជិតស្និទ្ធនឹង អ្នកបង្រៀនពីផលិតផលរបស់ Samsung បានបង្ហាញអំពីចំណុចគួរចាប់អារម្មណ៍មួយចំនួនមានលើ Galaxy Note 9 ដែលមិនធ្លាប់មានចចាមអារ៉ាមចេញផ្សាយកន្លងមក។
ដំបូងទាក់ទងនឹងការកុម្ម៉ង់ទិញ Galaxy Note 9 (នៅសហរដ្ឋអាមេរិក) អតិថិជនអាចមានជម្រើសរើសយកកញ្ចប់ហ្គេម Fortnite ឬ កាសស្ដាប់ឥតប្រើខ្សែម៉ាក AKG។ ប្រសិនបើចង់បានទាំងពីរត្រូវចំណាយ ៩៩ ដុល្លារបន្ថែម។
ដោយឡែកចំពោះប៊ិច S-Pen វិញ អតិថិជនអាចជ្រើសរើសពណ៌ដែលពួកគេពេញចិត្តបាន ហើយGalaxy Note 9 សាកថ្មតែ ៤០ វិនាទី អាចប្រើបានដល់ ៣០ នាទីឯណោះ។ និយាយពីកាមេរ៉ាវិញ គឺមិនមានសមត្ថភាពដូច Galaxy S9+ នោះទេ ដោយមាននូវបច្ចេកវិទ្យា AI អាចធ្វើឲ្យរូបភាពថតចេញមកមានគុណភាពកាន់តែខ្ពស់។
ចុងក្រោយគេ ទោះបីជា Galaxy Note 9 មានអេក្រង់ធំជាង Note 8 បន្តិចមែន ប៉ុន្តែ Galaxy Note 9 អាចប្រើសម្បក (Case) របស់ Note 8 បាន។ បន្ថែមពីនេះគេដឹងទៀតថា Galaxy Watch អាចនឹងប្រកាសចេញដំណាលគ្នាជាមួយ Note 9 នៅថ្ងៃទី ៩ ខែសីហានេះទៀតផង៕