មកដឹងចំនួនអគារខ្ពស់ៗ កំពុងបង្អួតសម្រស់គ្នានៅភ្នំពេញ គិតត្រឹមដើមឆ្នាំ២០១៨

2018-08-07 09:37:57
ចំនួនមតិ 0 | ចំនួនចែករំលែក 0

ចន្លោះមិនឃើញ

រាជធានីភ្នំពេញជាមជ្ឈមណ្ឌលដ៏ធំ ជាកន្លែងសម្រាប់ធ្វើពាណិជ្ជកម្ម ការសិក្សាគ្រប់កម្រិត ទេសចរណ៍ វប្បធម៌ ហើយត្រូវបានចាត់ទុកថាជាបេះដូង នៃព្រះរាជាណាចក្រកម្ពុជា។ អគារពាណិជ្ជកម្ម សណ្ឋាគារ ខុនដូរ ផ្ទះល្វែង វីឡា ត្រូវបានសាងសង់ជាបន្តបន្ទាប់ ដើម្បីបំពេញតម្រូវការក្នុងសកម្មភាពសេដ្ឋកិច្ចជាក់ស្ដែង និងកំណើនភ្ញៀវទេសចរ ក៏ដូចជាកំណើនប្រជាពលរដ្ឋកាន់តែកើនឡើងពីមួយថ្ងៃទៅមួយថ្ងៃ។ ជាពិសេសប៉ុន្មានឆ្នាំចុងក្រោយនេះ អគារខ្ពស់ៗចាប់ផ្ដើមត្រដែតឡើងតាយរយៈការវិនិយោគពីក្រុមហ៊ុនធំៗរបស់បរទេស។ តើមកដល់ឆ្នាំ២០១៨នេះ នៅភ្នំពេញមានអគារខ្ពស់ៗចំនួនប៉ុន្មានហើយ?

គិតត្រឹមដើមឆ្នាំ២០១៨ អគារខ្ពស់ៗនៅភ្នំពេញមានចំនួន ៩៧៩អគារ។ ចំណែកឯទីក្រុងរណប អគារពាណិជ្ជកម្ម សំណង់បុរី ផ្ទះល្វែង អគារស្នាក់នៅ រួមសណ្ឋាគារ និងខុនដូ មានចំនួន ១៩៩កន្លែង។ សណ្ឋាគារប្រណីតៗចំនួន ២៨៨កន្លែង ។ នេះបើតាមរបាយការណ៍របស់សាលារាជធានីភ្នំពេញ ដែលត្រូវបានទម្លាយឲ្យដឹងតាមរយៈឯកឧត្ដម ឃួង ស្រេង កាលពីថ្មីៗកន្លងទៅនេះ។

ក្រៅពីនេះការសាងសង់ថ្មីៗមានចំនួន ១ ១០១គម្រោង លើផ្ទៃដីសំណង់ សរុបជិត ៣,៨លានម៉ែត្រក្រឡា ដែលមានទំហំ ទុនវិនិយោគប៉ាន់ស្មាន ប្រមាណ ១,៩ពាន់លានដុល្លារអាមេរិក ដែលអភិបាលរាជធានីភ្នំពេញទទួលបាន។

ភាគខាងត្បូងរាជធានីភ្នំពេញ ជាតំបន់ប្រកបដោយសក្កានុពលខ្ពស់ ហ៊ុមព័ទ្ធទៅដោយ មជ្ឈមណ្ឌលពាណិជ្ជកម្ម លំនៅឋានប្រណីត និងជាតំបន់ប្រមូលផ្តុំ ទៅដោយឧទ្យានបុរី ប្រកបដោយប្រណីតភាព ក្នុងរាជធានីភ្នំពេញ។ នេះបើតាមការបញ្ជាក់បន្ថែមរបស់ឯកឧត្ដម ឃួង ស្រេង៕