អុញនុះ! ដល់ថ្ងៃថតរឿងទៅហើយ Angelina Jolie បែរជាសុំមិនថតទៅវិញ
- 2018-08-08 02:29:39
- ចំនួនមតិ 0 | ចំនួនចែករំលែក 0
អុញនុះ! ដល់ថ្ងៃថតរឿងទៅហើយ Angelina Jolie បែរជាសុំមិនថតទៅវិញ
ចន្លោះមិនឃើញ
តារាសម្ដែង Angelina Jolie ត្រូវបានរាយការណ៍ឲ្យដឹងថា បានលុបចោលការសម្ដែងរបស់នាង ក្នុងរឿងថ្មី "Come Away” ដែលជារឿងពីមុនរបស់រឿង “Peter Pan” និង"Alice in Wonderland”។
បើតាមសារព័ត៌មាន The Sun បានឲ្យដឹង តារាសម្ដែងឈ្នះពាន Oscar រូបនេះ ត្រូវចាប់ផ្ដើមថតខ្សែភាពយន្តថ្មីរបស់នាងនៅព្រឹកថ្ងៃច័ន្ទ រួមជាមួយនឹងតារាសម្ដែង David Oyelowo។ ទោះជាយ៉ាងណាក៏ដោយ កាលពីចុងថ្ងៃច័ន្ទ តារាសម្ដែងស្រីរូបនេះ បានទាក់ទងទៅផលិតករដើម្បីប្រាប់ពួកគេថា នាងបានលុបចោលគម្រោងថតរឿងថ្មីនោះហើយ ដែលបង្កឲ្យគ្រប់គ្នាមានការភ្ញាក់ផ្អើលជាខ្លាំង។
តាមប្រភពមួយប្រាប់វិបសាយ The Sun ថា៖ "អ្វីៗគ្រប់យ៉ាងត្រូវបានរៀបចំរួចរាល់ហើយ ចាំតែត្រៀមថតក្នុងសប្ដាហ៍នេះទេ។ ម្នាក់ៗយល់ស្របជាមួយគ្នារាប់ខែមកហើយ ដល់ឥឡូវគ្មាននរណាដឹងច្បាស់ថានឹងមានអ្វីកើតឡើងទៀតទេ"។
ផលិតករធំៗ សង្ឃឹមថានឹងអាចលួងលោមនាងឲ្យគិតឡើងវិញក្នុងការថតនេះ ហេតុនេះពួកគេអាចដំណើរការថតរឿងបានរលូនទៅមុខ។ ប៉ុន្តែក៏មានគម្រោងឥតព្រាងទុកខ្លះ ដែលកំពុងពិចារណាថាដំណើរការថតរឿងនេះអាចប្រព្រឹត្តិទៅស្រួល ឬក៏អត់នោះទេ៕