រកឃើញសារធាតុបង្កមហារីកក្នុងគូល័រទាន អ្នកវិទ្យាសាស្ត្រព្រមានឲ្យប្រុងប្រយ័ត្ន
- 2018-08-08 06:51:53
- ចំនួនមតិ 0 | ចំនួនចែករំលែក 0
រកឃើញសារធាតុបង្កមហារីកក្នុងគូល័រទាន អ្នកវិទ្យាសាស្ត្រព្រមានឲ្យប្រុងប្រយ័ត្ន
ចន្លោះមិនឃើញ
ក្រុមអ្នកស្រាវជ្រាវ បានរកឃើញបរិមាណសារធាតុពុលនៅក្នុងគូល័រទានរបស់ក្រុមហ៊ុន Playschool ហើយជឿជាក់ថាយ៉ាងហោចណាស់ផលិតផលបីម៉ាកផ្សេងទៀតក៏មានផ្ទុកសារធាតុពុលផងដែរ។
សារធាតុពុលនេះ ត្រូវបានគេស្គាល់ឈ្មោះថា Asbestos ដែលជាសារធាតុបង្កឲ្យកើតជំងឺមហារីកហើយរាប់ពាន់ករណីពាក់ព័ន្ធនឹងបញ្ហាសួត។ យោងតាមក្រុមស្រាវជ្រាវផលប្រយោជន៍សាធារណអាមេរិក (PIRG) ឲ្យដឹងក្រោយការវាយតម្លៃសុវត្ថិភាពប្រចាំឆ្នាំថា ការរកឃើញសារធាតុ Asbestos នៅក្នុងផលិតផលមួយនៅមិនទាន់ចប់នៅឡើយទេ ដោយសារផលិតផលផ្សេងទៀតក៏អាចមានផ្ទុកសារធាតុនេះផងដែរ។
គួរឲ្យដឹងថា កាលពី៣ឆ្នាំមុន សារធាតុបង្កគ្រោះថ្នាក់កម្រិតទាប ត្រូវបានរកឃើញក្នុងផលិតផលគូល័រទានល្បីៗមួយចំនួនដូចជា Crayola និង Rose Art ជាដើម។ ជាមួយគ្នាដែរ ក្រុមអ្នកជំនាញសម្ដែងការព្រួយបារម្ភយ៉ាងខ្លាំង និងបានណែនាំឲ្យឪពុកម្ដាយប្រុងប្រយ័ត្នមុនសម្រេចចិត្តទិញសម្ភារសិក្សាថោកៗឲ្យកូនប្រើប្រាស់៕