គ្រូស្វាយរៀង មិនបន្ទោសកូនក្រុម ព្រោះសូម្បី Messi ក៏ធ្លាប់ប៉េណាល់ទីមិនចូលដែរ

2018-08-09 03:03:08
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Conor Nestor មិនបន្ទោសកូនក្រុម ជាពិសេសកីឡាករ សួន សុវណ្ណ ឡើយ ចំពោះការទាត់ប៉េណាល់ទីមិនចូលរបស់គេ ដែលធ្វើឱ្យស្វាយរៀងធ្លាក់ត្រឹមវគ្គនេះ ក្នុងពានរង្វាន់ Hun Sen Cup ។

ស្វាយរៀង បានចាញ់ក្រុមក្រសួងការពារជាតិ ដោយបាល់កាត់សេចក្ដីប៉េណាល់ទី ៤-៥ ក្រោយលេងស្មើគ្នា ១-២ (គិតទាំងពីរជើង ៣-៣) នៅទឹកដីស្វាយរៀងយប់មិញនេះ។ មួយគ្រាប់ដែលធ្វើឱ្យស្វាយរៀងចាញ់នោះ គឺជាការទាត់របស់កីឡាករ សួន សុវណ្ណ ដោយទាត់ហោះឡើងទៅលើ។ ចំពោះបរាជ័យនេះដែរ លោក Conor ដែលជាគ្រូបង្វឹកស្វាយរៀង មិនបានបន្ទោសកីឡាកររបស់លោកឡើយ ព្រោះថាការទាត់ប៉េណាល់ទី គឺមិនអាចដឹងមុនបានឡើយ។

លោក បន្ដថា៖ “ខ្ញុំមិនបន្ទោស សុវណ្ណ ទេ។ ខ្ញុំនាំយកគាត់មករួមក្រុមដើមរដូវកាល ព្រោះគាត់មានសមត្ថភាពខ្ពស់ ដើម្បីលេងឱ្យក្រុម។ ខ្ញុំមើលឃើញចំណុចនេះ ថាគាត់នឹងក្លាយជាកីឡាករកំពូលម្នាក់នៅថ្ងៃអនាគត។ ការទាត់ប៉េណាល់ទីមិនចូលគឺមិនចម្លែកឡើយ សូម្បីតែ Messi ក៏ធ្លាប់ទាត់មិនចូលដែរ។ គាត់នឹងធ្វើឱ្យគ្រប់គ្នាសប្បាយចិត្តវិញ ជាពិសេសអ្នកគាំទ្រស្វាយរៀងទៅថ្ងៃអនាគត”។

សូមបញ្ជាក់ថា សុវណ្ណ ជាកីឡាករមកពីខេត្តស្ទឹងត្រែង ដែលក្លឹបព្រះខ័នរាជស្វាយរៀងចុះកុងត្រានាំយកកាលពីដើមរដូវកាលកន្លងទៅ ក្រោមការដឹកនាំរបស់លោក Conor ។ កីឡាករវ័យ២៤ឆ្នាំរូបនេះ ផ្ដើមដំបូងជាមួយក្រុមស៊ីម៉ាក់ គ្រាដែលលោក ស៊ុំ វណ្ណា នៅដឹកនាំឆ្នាំ២០១៥។ ក្រោយពីលោកទៅដឹកនាំ វេស្ទើន ក៏បាននាំយក សុវណ្ណ ទៅទីនោះដែរ មុនពេលផ្លាស់ទៅស្វាយរៀងនេះ៕

អត្ថបទ៖ មុន្នីរម្យ

ពាក្យទាក់ទង

Hun Sen Cup ក្លិបស្វាយរៀង

អត្ថបទពេញនិយម

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ដោយសារភ្លៀងសិប្បនិម្មិត Cloud Seeding ឬ ទើបធ្វើឱ្យឌូបៃ ជួបប្រទះគ្រោះទឹកជំនន់ធ្ងន់ធ្ងរបំផុត?

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

អត្ថបទថ្មី

ងាយៗ! ពិនិត្យមើលសំបកកង់៣ចំណុចធំៗនេះដោយខ្លួនឯងបាន ចៀសវាងបែកកង់តាមផ្លូវ

ហេតុផលធំមួយលោក RICKY Sun ឈប់ពីអាជីពចម្រៀងមកធ្វើគ្រូគុនខ្មែរ

អបអរសាទរដល់អតិថិជនដែលឈ្នះរង្វាន់ពីកម្មវិធីរង្វាន់ហុងស៊ុយ 168 រង្វាន់ ដ៏កក្រើកពីក្រុមហ៊ុន សាមសុង!

យុវជន លឹម ចិត្រា មានឆន្ទៈចង់ក្លាយជាកីឡាករអាជីព និងលេងក្រៅប្រទេសដូច Idol វឿន វាសនា