រឿងអតីតដ៏គួរឲ្យចាប់អារម្មណ៍របស់ Kepa អ្នកចាំទីថ្មីរបស់ Chelsea
- 2018-08-09 23:00:00
- ចំនួនមតិ 0 | ចំនួនចែករំលែក 0
រឿងអតីតដ៏គួរឲ្យចាប់អារម្មណ៍របស់ Kepa អ្នកចាំទីថ្មីរបស់ Chelsea
ចន្លោះមិនឃើញ
អ្នកចាំទីថ្មីរបស់ Chelsea កីឡាករ Kepa Arrizabalaga មានសមត្ថភាពចាប់តាំងពីកុមារភាព មុនពេលក្លាយជាអ្នកចាំទីបាល់ទាត់។
អ្នកចាំទីដៃទីពីររបស់ជម្រើសជាតិអេស្ប៉ាញបានចូលរួមជាមួយតោខៀវ ក្រោយ Chelsea ទិញពី Athletic Bilbao ក្នុងតម្លៃផ្ដាច់កុងត្រា៧១,៦លានផោន។ Kepa នឹងមកជំនួសកន្លែង Thibaut Courtois ដែលសម្រេចទៅលេងនៅ Real Madrid។
ត្បិតតែមានវ័យ២៣ឆ្នាំ តែ Kepa មានកេរ្តិ៍ឈ្មោះខ្លាំងបាត់ទៅហើយនៅក្របខណ្ឌ La Liga ដោយសារតែមានសមត្ថភាពខ្ពស់។ ប៉ុន្តែគ្រប់គ្នាដឹងទេ មុនក្លាយជាអ្នកចាំទីកីឡាករអេស្ប៉ាញរូបនេះ កាលពីនៅក្មេងគឺជាអ្នកចាប់បក្សី។
ពេល Kepa នៅក្មេង គេឧស្សាហ៍ដើរជាមួយឪពុកទៅចាប់បក្សីម្យ៉ាងឈ្មោះថា Goldfinch និងបង្រៀនឲ្យពួកវាចេះច្រៀង។ ឆ្នាំ២០០៨និង២០១០ គេធ្លាប់ឈ្នះពានក្នុងកម្មវិធីប្រឡងចម្រៀងបក្សីផងដែរ។ Kepa ជាកុមារដែលមានឈ្មោះល្បីល្បាញម្នាក់ខាងបង្រៀនបក្សីឲ្យចេះច្រៀងនៅក្នុងតំបន់គេរស់នៅតាំងពីអាយុ៥ឆ្នាំ។
យ៉ាងណា ដោយសារស្រឡាញ់បាល់ទាត់កុមារ Arrizabalaga បានឈប់បង្រៀនបក្សីដើម្បីយកទៅប្រកួត ដោយប្រឹងហ្វឹកហាត់ជាមួយ Athletic Bilbao ដើម្បីសម្រេចបំណងធំ។ តែបច្ចុប្បន្នគេនៅតែចិញ្ចឹមបក្សី Goldfinch ៣ក្បាលនៅផ្ទះមានឈ្មោះថា Oker, Rocky និង Raikkonen៕