ពិតទេ កូនស្រីចុង ឈិន ឡុង ដើររើសសំរាមតាមផ្លូវ និងប្រើប្រាស់គ្រឿងញៀន?

2018-08-10 02:43:17
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃម្សិលមិញនេះ មហាជនជាច្រើនមានការភ្ញាក់ផ្អើល ជាមួយរូបភាពមួយសន្លឹកដែលបានរៀបរាប់ថា Etta Ng ដែលជាកូនស្រីចុងរបស់តារាសម្ដែង Jackie Chan (ឈិន ឡុង) បានដើររើសរបស់របរដែលគេបោះចោលតាមផ្លូវ ដើម្បីចិញ្ចឹមជីវិត។

Etta Ng និងមិត្តស្រីរបស់នាង បានផ្លាស់ទៅនៅប្រទេសកាណាដា រស់នៅជីវិតតែលតោល ដោយគ្មានលុយគ្រប់គ្រាន់សម្រាប់ផ្គត់ផ្គង់ជីវភាពប្រចាំថ្ងៃនោះឡើយ រហូតដល់ថ្នាក់បង្ហោះឃ្លិបវីដេអូសុំជំនួយពីមហាជនថែមទៀតផង។

ថ្មីៗនេះដែរ បើតាមបណ្ដាញសារព័ត៌មានប្រចាំទីក្រុងហុងកុងបានដាក់ការសង្ស័យថា កូនស្រីចុងរបស់តារាសម្ដែងដ៏ល្បីរូបនេះ កំពុងតែញៀនថ្នាំ ដែលអាចជះឥទ្ធិពលមកពីម្ដាយរបស់មិត្តស្រីនាង។

មិត្តស្រីរបស់នាងតែងតែសុំលុយពីនាងជាច្រើន ពេលខ្លះរហូតដល់រាប់ពាន់ដុល្លារហុងកុងឯណោះ។ កាលពីខែឧសភា កាសែតមួយបានចុះផ្សាយថា ក្រុមគ្រួសារមិត្តស្រីរបស់ Etta Ng គឺកំពុងជួបប្រទះបញ្ហា មិនត្រឹមតែបញ្ហាលុយកាក់ប៉ុណ្ណោះទេ ប៉ុន្តែនៅមានបញ្ហាជាច្រើនទៀត។ ម្ដាយរបស់មិត្តស្រីនាង ត្រូវបានសង្ស័យថាប្រើប្រាស់គ្រឿងញៀន ហើយរូបនាងផ្ទាល់ត្រូវបានរើសអើង និងធ្វើបាបដូចជាសត្វធាតុ។ ដោយឥទ្ធិពលមិនល្អពីម្ដាយរបស់នាងនេះហើយ ទើបខាងសារព័ត៌មានដាក់ការសង្ស័យថា Etta Ng និងមិត្តស្រីកំពុងតែញៀនថ្នាំ។

គួរបញ្ជាក់ផងដែរថា ចំពោះរូបភាពដែលថា Etta Ng ដើររើសសំរាមដើម្បីចិញ្ចឹមជីវិតនោះ ខាងអ្នកលេងបណ្ដាញសង្គមបានបដិសេធទាំងស្រុង ដោយពួកគេអះអាងថា បានឃើញនាងដើរផ្សារទំនើបទិញឥវ៉ាន់ជាធម្មតា មិនបានដើរត្រាច់ចររើសសំរាមតាមផ្លូវដូចដែលបានបង្ហោះចែកចាយនោះទេ៕

ប្រភព៖ Kenh14 ប្រែសម្រួល៖ អន សុភក្ត្រា