អ្នកជំនាញប្រាប់មូលហេតុ ល្បឿនអ៊ីនធើណីត 4G កម្ពុជាធ្លាក់ចុះ
- 2018-08-10 07:38:00
- ចំនួនមតិ 0 | ចំនួនចែករំលែក 0
អ្នកជំនាញប្រាប់មូលហេតុ ល្បឿនអ៊ីនធើណីត 4G កម្ពុជាធ្លាក់ចុះ
ចន្លោះមិនឃើញ
នៅក្នុងរយៈពេល ៦ខែចុងក្រោយ នាឆ្នាំ២០១៨ ល្បឿនអ៊ីនធឺណិតទូរសព្ទ 4G នៅកម្ពុជា ជាមធ្យមមានការធ្លាក់ចុះរហូតដល់ 16.5MB ក្នុង១វិនាទី។ នេះបើយោងតាមរបាយការណ៍ស្រាវជ្រាវដោយក្រុមហ៊ុន Open Signal ដែលចុះផ្សាយដោយទស្សនាវដ្ដី SOUTHEAST ASIA GLOBE កាលពីថ្ងៃទី៩ សីហា ២០១៨។
ការសិក្សានេះ ធ្វើឡើងដោយប្រមូលយកទិន្នន័យពីបណ្ដាញទូរសព្ទចល័តនៅកម្ពុជាចំនួន ៥ម៉ឺនគ្រឿង។
លោក Kevin Fitchard ប្រធានអ្នកវិភាគនៅ Open Signal បានឲ្យដឹងថា មូលហេតុនៃការធ្លាក់ចុះល្បឿនអ៊ីនធឺណិត 4G ដោយសារតែសន្ទុះកំណើនអតិថិជនប្រើប្រាស់ថ្មីៗមានការកើនឡើងគួរឲ្យកត់សម្គាល់ ដែលជាកត្តាប្រកួតប្រជែងមួយសម្រាប់សមត្ថភាពក្រុមហ៊ុនទូរសព្ទចល័តនៅកម្ពុជា។
បើតាម Open Signal ក្រុមហ៊ុនទូរសព្ទចល័តធំៗនៅកម្ពុជា កំពុងព្យាយាមដោះស្រាយបញ្ហានេះ ហើយទំនងជាអាចធ្វើឲ្យវាមានតុល្យភាពបានរវាងកំណើននៃអ្នកប្រើប្រាស់ និងគុណភាពនៃល្បឿនអ៊ីនធឺណិត នាថ្ងៃអនាគត។
បើធៀបនឹងបណ្ដាប្រទេសនៅក្នុងតំបន់ កម្ពុជាមានការពង្រីកសេវា 4G បានចំនួន ៧០% ស្មើនឹងឥណ្ឌូណេស៊ី និងវៀតណាម។ ដោយឡែក ប្រទេសដែលនាំមុខគេនៅអាស៊ីអាគ្នេយ៍នៅលើវិស័យ 4G នេះគឺប្រទេសថៃ ជាមួយនឹងវិសាលភាពប្រើប្រាស់ចំនួន ៨៥%៕