អុញនោះ! Fan Bing Bing ត្រូវប៉ូលិសចាប់ករណីរឿងគេចពន្ធ?
- 2018-08-11 07:00:00
- ចំនួនមតិ 0 | ចំនួនចែករំលែក 0
អុញនោះ! Fan Bing Bing ត្រូវប៉ូលិសចាប់ករណីរឿងគេចពន្ធ?
ចន្លោះមិនឃើញ
កាលពីសប្ដាហ៍មុននេះ រឿងរ៉ាវពាក់ព័ន្ធការគេចពន្ធរបស់តារាសម្ដែង Fan Bing Bing បានធ្វើឲ្យមានការភ្ញាក់ផ្អើលយ៉ាងខ្លះ ហើយថ្មីៗនេះស្រាប់តែរូបថតនាងត្រូវប៉ូលិសចាប់កំពុងធ្វើឲ្យមានចម្ងល់ជាច្រើនពីបណ្ដាសាធារណជន។
កាលពី២ថ្ងៃមុននេះ សារព័ត៌មាននិងអ្នកប្រើប្រាស់បណ្ដាញអ៊ីនធឺណិតប្រទេសចិន បានចែកចាយរូបភាពដែលនាងត្រូវបណ្ដើរដោយប៉ូលិសចូលរថយន្ត ព្រមទាំងដាក់ខ្នោះនៅនឹងដៃ គ្រប់ទីកន្លែង។ តារារូបនេះបានស្លៀកឈុតខ្មៅ និងពាក់មួក ប៉ុន្តែក៏មានការជជែកវែកញែកជាច្រើនផងដែរ ថារូបនោះអាចមិនមែនជានាង។
អ្នកប្រើប្រាស់បណ្ដាញអ៊ីនធឺណិតខ្លះ និយាយថានេះអាចមិនមែនជានាងទេ ដោយវាអាចជារូបភាពកែច្នៃឡើងដោយប្រើកម្មវិធី Photoshop។ ចំពោះការពិតទាក់ទងរឿងនេះ Fan Bing Bing និងក្រុមការងារមិនទាន់ផ្ដល់ដំណឹងជាផ្លូវការនៅឡើយ។ ដើមហេតុនៃបញ្ហា គឺបណ្ដាលមកពី តារាសម្ដែងល្បីឈ្មោះរូបនេះ ត្រូវគេចោទប្រកាន់ពីបទគេចពន្ធ ហើយអ្នកគ្រប់គ្រងផ្ទាល់ខ្លួននាង ផ្ដល់ដំបូន្មានឲ្យទៅគេចនៅក្រៅប្រទេស ប៉ុន្តែតារារូបនេះមិនព្រមចេញទៅណា៕