Sarri នឹងនាំរបៀបលេងដែលគេឲ្យឈ្មោះថា “Sarri-ball” ដល់ក្លឹប Chelsea

2018-08-11 09:54:43
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Maurizio Sarri ជឿថា Chelsea នឹងចាប់ផ្តើមពេលបើករដូវកាលមិនសូវល្អឡើយ ហើយលោកនឹងព្យាយាមដឹកនាំតោខៀវតាមរបៀបដែលធ្លាប់ជោគជ័យនៅ Napoli ប៉ុន្តែវាត្រូវការពេលវេលា។

Sarri មកកាន់ការងារនៅ Stamford Bridge មិនទាន់បាន១ខែស្រួលបួលផង English Premier League ក៏ចាប់ផ្តើម។ លោកជឿថាដើម្បីឲ្យក្រុមកីឡាកររបស់លោកលេងជាមួយគ្នាបាន យ៉ាងហោចណាស់លោកត្រូវការពេល១ទៅ២ខែទៀត។ ប៉ុន្តែភ្លាមៗនេះមិនអាចទេ។

អ្វីជាបញ្ហា? “នោះគឺលទ្ធផល។ ប្រហែលជាការទម្រង់លេងរបស់យើងនឹងមិនល្អឡើយនៅពេលដំបូងនៃរដូវកាលនេះ"។

Conte គឺជាគ្រូចុងក្រោយដែលរកឃើញចំណុចខ្សោយមួយនេះរបស់ Chelsea។ ប៉ុន្តែ Sarri ជឿថាក្រុមប្រឹក្សាភិបាលរបស់ក្លឹបដឹងរឿងនេះ ហើយ ដឹងច្បាស់ទៀតផង។ លោកនិយាយថា "ពួកគេដឹងរឿងនេះ។ ពួកគេដឹងរឿងនេះបានយ៉ាងល្អ។ ខ្ញុំគិតថាអ្នកត្រូវតែរង់ចាំពីរបីខែ។ អ្នកត្រូវរង់ចាំ"។

"Sarri-ball" ត្រូវបានគេហៅនៅពេលលោក Sarri នៅក្របខ័ណ្ឌ Serie A របស់អ៊ីតាលី។ ជារបៀបលេងដ៏ជោគជ័យនៅ Napoli ដែលលោកផ្តោតទៅលើ "ល្បឿន" ពោលគឺ វាយបក ចុះទប់ បញ្ជូនបាល់ដោយល្បឿនលឿន ទៅឲ្យខ្សែប្រយុទ្ធ។ លោកនិយាយថា "ការលេងរបៀបនេះ ធ្វើឲ្យអ្នកគាំទ្រសប្បាយមើល"។

យ៉ាងណាក្តីបាល់ Premier League ក៏ដូចជា Chelsea គឺលេងមួយៗរង្វើលៗ។ លោក Sarri និយាយថាកីឡាករលោកត្រូវរៀនបង្កើនល្បឿន បើធ្វើបានការទាត់បញ្ចូលទីមិនមែនជាបញ្ហាសម្រាប់ខ្សែប្រយុទ្ធតោខៀវឡើយ។ ប៉ុន្តែ កីឡាករត្រូវចេះគ្រប់គ្រងទាំងល្បឿនផ្លូវកាយ និង ល្បឿនផ្លូវចិត្ត ដើម្បីប្រាកដថាល្បឿននោះសាកសមបំផុតសម្រាប់ពួកគេ។ លោក Sarri បន្ថែម៕

ប្រភព៖ Independent ប្រែសម្រួល៖ សុខ លាងហ៊ត