រឿងអាស្រូវគេចពន្ធរបស់ Fan Bingbing ធ្វើឲ្យក្រុមផលិតភាពយន្តសភ្នែកព្រាត

2018-08-12 02:14:40
ចំនួនមតិ 0 | ចំនួនចែករំលែក 0

ចន្លោះមិនឃើញ

អស់រយៈពេលប៉ុន្មានថ្ងៃមកនេះ បញ្ហាព័ត៌មានពាក់ព័ន្ធនឹងការចាប់ខ្លួនរឿងគេចពន្ធរបស់តារាសម្ដែង Fan Bingbing បានបង្កឲ្យមានភាពចលាចលក្នុងប្រទេសចិន។ ជាមួយគ្នានឹងរឿងគេចពន្ធនេះដែរ ខាងផលិតកម្មថ្មីមួយចំនួន បានសហការគ្នាចុះហត្ថលេខាលើការសម្រេចចិត្តពាក់ព័ន្ធនឹងប្រាក់ចំណូលរបស់តារានេះ។

បើតាមសេចក្ដីរាយការណ៍មួយបានឲ្យដឹងថា ក្រុមហ៊ុនខ្សែភាពយន្តអនឡាញចំនួន៣ រួមមានក្រុមហ៊ុន iQiyi, Youku, Tencent រួមនឹងក្រុមហ៊ុនផលិតខ្សែភាពយន្តដ៏ធំមួយទៀតដែលមានឈ្មោះថា Duong Quang បានចាប់ដៃគ្នាជាមួយក្រុមផលិតករចំនួន១១នាក់ផ្សេងទៀត បានប្រកាសថា ពួកគេនឹងធ្វើនិយតករទៅលើប្រាក់ចំណូលរបស់តារាសម្ដែងនីមួយៗ។

ចំណែកខាងក្រសួងវប្បធម៌ និងទេសចរណ៍ អគ្គនាយកដ្ឋានពន្ធដារ រដ្ឋបាលទូទៅប្រព័ន្ធផ្សព្វផ្សាយ និងខាងក្រសួងវប្បធម៌ផ្ទាល់ បានចេញសារាចរស្នើសុំឲ្យមានការដោះស្រាយពាក់ព័ន្ធនឹងការ ចុះកុងត្រា Yin និង Yang និងការគេចពន្ធនេះជាដើម។ ចាប់ពីពេលនេះទៅ ទោះបីជាសម្រាប់រឿងភាគ ឬភាពយន្តធម្មតាក៏ដោយ នឹងមិនត្រូវឲ្យលើសពី ៤០ ភាគរយនៃចំនួនប្រាក់សរុបរបស់ផលិតកម្ម ហើយចំពោះផលិតករគឺមិនត្រូវចំណាយឲ្យលើសពី ៧០ ភាគរយនៃចំនួនប្រាក់សរុបដើម្បីផ្ដល់ឲ្យតួអង្គសម្ដែងរបស់ពួកគេនោះទេ។ និយតករនេះ ក៏បានកំណត់បញ្ជាក់ប្រាប់ នៅអំឡុងពេលកំពុងថតផងដែរ៕

ប្រភព៖ Kenh14 ប្រែសម្រួល៖ អន សុភក្ត្រា