Jose Mourinho ពន្យល់មូលហេតុឲ្យ Pogba ធ្វើប្រធានក្រុម
- 2018-08-12 03:48:33
- ចំនួនមតិ 0 | ចំនួនចែករំលែក 0
Jose Mourinho ពន្យល់មូលហេតុឲ្យ Pogba ធ្វើប្រធានក្រុម
ចន្លោះមិនឃើញ
លោក Jose Mourinho បានធ្វើសេចក្តីថ្លែងការណ៍ដ៏ធំមួយដោយបានប្រគល់តំណែងប្រធានក្រុមឱ្យPaul Pogba ក្នុងការប្រកួតដំបូងរបស់ក្រុម Manchester United នៃរដូវកាលក្របខ័ណ្ឌ Premier League។
បិសាចក្រហមយកឈ្នះក្រុម Leicester City នៅទឹកដី Old Trafford កាលពីថ្ងៃសៅរ៍។
Pogba បានត្រលប់មកហ្វឹកហាត់វិញបានរយៈពេល៤ថ្ងៃហើយ បន្ទាប់ពីឈប់សម្រាកដ៏រីករាយក្រោយ បារាំងលើកពាន World Cup ២០១៨ នៅប្រទេសរុស្ស៊ី។
កីឡាករវ័យ ២៥ ឆ្នាំរូបនេះក៏ត្រូវបានផ្សារភ្ជាប់អំពីការផ្ទេរទៅកាន់ Barcelona ផងដែរ ប៉ុន្តែឥឡូវត្រូវបានគ្រូបង្វឹកដែលតែងតែមានបញ្ហារកាំរកូសនឹងគ្នា ផ្តល់ការទុកចិត្ត ប្រគល់កិច្ចការធំនៅក្លឹបឲ្យ Pogba ជាអ្នករ៉ាប់រង។
មុនពេលចាប់ផ្តើមប្រកួតលោក Mourinho បានពន្យល់ពីមូលហេតុដែលលោកបានតែងតាំង Pogba ជាប្រធានក្រុម ដោយបានប្រាប់ទូរទស្សន៍ Sky Sports ថា "កាលពីរដូវកាលមុន គាត់[Pogba] ជាប្រធានក្រុមពីរបីលើក។ ប្រធានក្រុមគឺ [Antonio] Valencia។ គាត់លែងនៅទីនេះហើយ។ Pogba គឺជាជម្រើសមួយ [នៅពេល Valencia មិននៅទីនេះ] ។ នេះគឺជារដូវកាលទី៣របស់គាត់ គាត់បានឆ្លងកាត់ការហ្វឹកហាត់ និង ស្គាល់ពីក្លឹបយ៉ាងច្បាស់"។
នេះអាចថា ជាយុទ្ធសាស្រ្តវាយក្បាលអង្អែលខ្នងរបស់គ្រូបង្វឹកសញ្ជាតិព័រទុយហ្គាល់ បន្ទាប់ពីបដិសេធសំណើរ មិនព្រមលក់ Pogba ទៅឲ្យ Barcelona ស្របពេលដែលគ្រូបង្វឹកវ័យ ៥៥ ឆ្នាំ មិនសូវត្រូវរ៉ូវជាមួយ Pogba ស្រាប់ ដោយសង្ឃឹមថាតួនាទីប្រធានក្រុមនេះ នឹងអាចចងជើង កីឡាករសញ្ជាតិបារាំងបាន៕