ប៉ុន្មានក្រុមហ៊ុននេះ ត្រូវគេហៅថាគីឡូធ្ងន់អាចប្រកួត Apple បាន

2018-08-13 03:57:10
ចំនួនមតិ 0 | ចំនួនចែករំលែក 0

ចន្លោះមិនឃើញ

យីហោ Apple នៅបន្តសក្ដានុពលលើទីផ្សារ ទោះបីលោក Steve Jobs បានទទួលមរណភាពទៅហើយក្ដី។ ទ្រព្យរបស់ Apple បានហក់ឡើង ១ ទ្រីលានដុល្លារ ធ្វើឲ្យ Apple ស្ថិតនៅក្នុងបញ្ជី (Brand) មានតម្លៃបំផុតនៅពេលនេះ។

ជាក្រុមហ៊ុនដែលមានទ្រព្យច្រើនជាងគេ តែ Apple មិនទាន់អាចធានាកៅអីបាននៅឡើយទេ។ ដៃគូប្រជែងសំខាន់ៗរបស់ Apple រួមមាន Microsoft, Google, Dell, HP, Lenovo, Amazon, Samsung និង Sony។

Microsoft៖ មានប្រព័ន្ធប្រតិបត្តិការ Windows, កម្មវិធី Windows Office, ជាម្ចាស់ Search Engine ឈ្មោះ Bing។ Windows មានចំណែកអ្នកប្រើប្រាស់យ៉ាងច្រើន ដោយសារមានបំពាក់លើកុំព្យូទ័រតម្លៃទាំងកម្រិតទាប និងកម្រិតខ្ពស់ច្រើន។
Google៖ មានប្រព័ន្ធប្រតិបត្តិការ Android, ម្ចាស់ Search Engine Google, ផលិតស្មាតហ្វូនអំបូរ Pixel។ ក្រុមហ៊ុននៅលេខរៀងទីពីរ ក្នុងបញ្ជី Forbes សម្រាប់ Brands មានតម្លៃបំផុត។
Dell៖ មានភាពលេចធ្លោត្រង់ Laptop ជា Brand ក្នុងចំណោម ឧស្សាហកម្ម Laptop លំដាប់កំពូលទាំង ៤។
HP៖ មានភាពស្រដៀងគ្នានឹង Dell ដែរ ហើយក្នុងនោះក៏មានម៉ូដែលប្រណិតៗ ប្រជែងនឹង Laptop កំពូលរបស់ Apple។
Lenovo៖ មានភាពស្រដៀងគ្នានឹង Dell ឬ HP ស្ថិតក្នុងចំណោម Brand Laptop លំដាប់កំពូលទាំង ៤ ហើយកាន់កាប់ចំណែកទីផ្សារធំជាង Apple។
Amazon៖ មាន Kindle និង Amazon Web service, Smart home device ដូចជា Echo, Music Service ក៏កំពុងប្រជែងនឹង iTune របស់ Apple ដែរ។
Samsung៖ មានស្មាតហ្វូន Galaxy អេក្រង់ធំ តម្លៃសមរម្យ ពេញចិត្តច្រើនពីសំណាក់អ្នកប្រើប្រាស់ និងកាន់ចំណែកទីផ្សារស្មាតហ្វូនធំបំផុត។
Sony៖ ត្បិត Sony ឈប់ផលិត Laptop VAIO ប៉ុន្តែនៅតែជាដៃគូប្រជែងសំខាន់មួយរបស់ Apple ដោយសារស្មាតហ្វូន Xperia។ ការលក់ ប្រហែលខ្សោយជាង Apple ឬ Samsung តែ ម៉ាកយីហោ នេះបានចេញម៉ូដែលថ្មីៗ កាន់តែឆ្លាតវៃ ដែលរំពឹងថានឹងបង្កើនការលក់កាន់តែច្រើនជាងមុន៕