Ronaldo រកបានគ្រាប់ដំបូងឲ្យ Juventus និងមានរឿងភ្ញាក់ផ្អើលមួយកើតឡើងលើទីលាន

2018-08-13 03:05:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ការបង្ហាញខ្លួនលើកដំបូងរបស់ Cristiano Ronaldo ប្រកួតឲ្យក្លឹបថ្មី Juventus ត្រូវផ្អាក២០នាទី ដោយសារតែអ្នកគាំទ្របានរត់ចូលទីលានដើម្បីជួបជាមួយតារាក្នុងចិត្តរបស់ពួកគេ។

ក្រុមធំរបស់ Juventus បានណាត់លេងមិត្តភាពជាមួយ Juventus B កាលពីម្សិលមិញ ហើយក៏ជាឱកាស Ronaldo អាចលេងប្រកួតទី១របស់ខ្លួនជាមួយក្លឹបថ្មី ចាប់តាំងផ្ទេរពី Real Madrid។ កីឡាករតម្លៃខ្លួន១០០លានអឺរ៉ូជាអ្នកបើកឆាករកគ្រាប់ទី១ឲ្យ Juventus ឈុតធំ ហើយក៏ជាគ្រាប់ដំបូងសម្រាប់គេ ត្រឹមនាទីទី៨ប៉ុណ្ណោះ។

នៅនាទីបន្តបន្ទាប់ក្នុងវគ្គទី១ Juventus ឈុតធំបានទាត់បញ្ចូលទីបន្ថែម៣គ្រាប់ទៀតដោយ Paulo Dybala រកបានពីរគ្រាប់និងបានការធ្វើឲ្យចូលទីខ្លួនឯកដោយកីឡាករខាង Juventus B។ ៤៥នាទីដំបូង Juventus ឈុតធំ នាំមុខ ៤-០។

ឈានដល់វគ្គទីពីរ Juventus ឈុតធំបានថែមមួយគ្រាប់ទៀតដោយកីឡាករ Claudio Marchisio។ នៅនាទី៧១ស្រាប់តែលេចរឿងភ្ញាក់ផ្អើល ដោយអ្នកគាំទ្រដែលកំពុងទស្សនាបានរត់ចូលទីលានទៅសុំហត្ថលេខា ថតរូបនិងឱបកីឡាករសំណព្វចិត្តខ្លួនពេលតារាង ធ្វើឲ្យការប្រកួតបញ្ចប់ត្រឹមពេលនោះតែម្ដង។ លទ្ធផលចុងក្រោយ Juventus ឈុតធំឈ្នះ Juventus B ៥-០៕