Khmer United លត់ Blue Dragon ៩-២ តាមប្រកៀកក្រុមកំពូលតារាង Avatar FC

2018-08-13 03:54:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ Khmer United បានលត់ក្រុមបាល់ទាត់ Blue Dragon ៩-២ ដើម្បីតាមប្រកៀកក្រុមកំពុងកាន់កាប់កំពូលតាង Avatar FC សម្រាប់សប្ដាហ៍ទី១៦ ដែលបានបញ្ចប់កាលពីម្សិលមិញនេះនៃព្រឹត្តិការណ៍ Khmer Real Estate ។

សកម្មភាព Khmer United ប្រកួតជាមួយ Blue Dragon ម្សិលមិញ

ក្រុមកំពូលតារាងបច្ចុប្បន្ន Avatar FC បានយកឈ្នះទៅលើក្រុម Giandt FC ៨-១ ដើម្បីបន្តកាន់កាប់កំពូលតារាងដោយមាន ៤៣ ពិន្ទុគិតត្រឹមសប្ដាហ៍ទី១៦។ ស្របពេល Khmer United ដែលជាក្រុមរបស់លោក គីម ហ៊ាង ប្រធានក្រុមហ៊ុន Khmer Real Estate និងជាស្ថាបនិកពានរង្វាន់មួយនេះបានយកឈ្នះក្រុម Blue Dragon ៩-២ ដើម្បីមាន ៤២ពិន្ទុតាមប្រកៀកក្រុមកំពូលតារាង។ ទន្ទឹមគ្នានោះក្រុមខ្លាំងមួយទៀត Bayon FC ធ្វើបានត្រឹមស្មើក្រុមច្បាប់ ៤-៤ ដើម្បីមាន៤០ពិន្ទុ គិតត្រឹមសប្ដាហ៍ទី១៦ ដូចគ្នា។

លទ្ធផលសប្ដាហ៍ទី១៦

Mambo PP ១-៣ RFL
ច្បាប់ ៤-៤ Bayon FC
Giandt FC ១-៨ Avatar FC
Riel PP ១-៣ បាសាក់
Tang Kok FC ១១-២ Snor Youth FC
កំពង់ចាម ៣-០ កូនខ្មែរ
HHK ៣-០ Vtrain
Toul Kok ០-០ Wat Kos
ទន្សោង ៣-០ Anvaya
Khmer United ៩-២ Blue Dragon

ប្រាក់រង្វាន់តាមចំណាត់ថ្នាក់

លេខ១៖ ទទួលបានពាន១ មេដាយមាស បាល់៣គ្រាប់ និងប្រាក់៨លានរៀល
លេខ២៖ ទទួលបានពាន១ មេដាយដាយប្រាក់ បាល់់៣គ្រាប់ និងប្រាក់៦លានរៀល
លេខ៣៖ ទទួលបានពាន១ មេដាយសំរឹទ្ធ បាល់៣គ្រាប់ និងប្រាក់៤លានរៀល
លេខ៤៖ ទទួលបានពាន១ មេដាយសំរឹទ្ធ បាល់៣គ្រាប់ និងប្រាក់២លានរៀល
លេខ៥៖ ទទួលបានពាន១ មេដាយសំរឹទ្ធ បាល់៣គ្រាប់ និងប្រាក់១លានរៀល
ក្រុម Fair Play៖ ទទួលបាន៥០ម៉ឺនរៀល

ឆ្នាំ២០១៨ជារដូវកាលទី៧នៃការបង្កើតពានរង្វាន់ខាងលើ បន្ទាប់ពីចាប់ផ្តើមដំបូងនៅឆ្នាំ២០១២។ កាលពីឆ្នាំ២០១៧កន្លងទៅនេះ ក្រុម Bayon Wonderer ជាជើងឯក ខណៈក្រុម Khmer United ដែលជារបស់ស្ថាបនិកបានត្រឹមជើងឯករង៕

អត្ថបទ៖ ស្រី សុវណ្ណដារ៉ា