សប្បាយបាត់! អត់មានឡាន កសិករឥណ្ឌាលេង KiKi Challeng ជាមួយគោ២ក្បាល ល្បីពេញពិភពលោក(វីដេអូ)

2018-08-13 13:32:35
ចំនួនមតិ 0 | ចំនួនចែករំលែក 0

ចន្លោះមិនឃើញ

កសិករឥណ្ឌា២រូប កំពុងល្បីល្បាញខ្លាំងនៅលើប្រព័ន្ធអ៊ីនធឺណិត ក្រោយពួកគេបានចូលរួមលេងល្បែង KiKi Challenge ដែលមានក្នុងបទ "In My Feeling” របស់តារាចម្រៀង Drake។

ជំនួសឲ្យការ Cover បទចម្រៀងខាងលើ ដោយរាំបណ្ដើរជាមួយរថយន្តកំពុងបើកបរសន្សឹមៗនៅលើផ្លូវ ដែលគេគ្រប់គ្នានិយមធ្វើ ហើយងាយប្រឈមគ្រោះថ្នាក់នោះ កសិករឥណ្ឌា២រូប គឺ Anil Geela អាយុ 24 ឆ្នាំ និង Pilli Tirupati អាយុ 28 បានជ្រើសរើសការរាំបណ្ដើរជាមួយគោពីរក្បាលរបស់ពួកគេដែលកំពុងអូសរនាស់ក្នុងស្រែជាជំនួសទៅវិញ។

ការសម្ដែងរបស់ពួកគេ ត្រូវបានថតនៅលើវាស្រែក្នុងភូមិកំណើត Lambadipally នៃខេត្ត elangana កន្លែងដែលពួកគេចំណាយពេលច្រើនបំផុតក្នុងឆាកជីវិតរបស់ពួកគេ។ វីដេអូ ត្រូវបានបង្ហោះនៅ Channel Youtube ផ្ទាល់របស់ Srikanth ដែលមានចំណងជើងថា "My Village Show” ដោយមានអ្នកចូលទស្សនាច្រើនឡើងៗ។

ក្រោយឃើញវីដេអូកម្សាន្តនៅស្រុកស្រែរបស់កសិករឥណ្ឌាទាំងពីរ អ្នកប្រើប្រាស់បណ្ដាញអ៊ីណធឺណិត បានឆ្លើយតបថា នោះជាការកម្សាន្តដ៏បរិសុទ្ធ និងសុវត្ថិភាពបំផុតមួយ! ហើយថា ពួកគេពេញចិត្ត KiKi Challenge នេះខ្លាំងបំផុត។