Klopp នឹងពិចារណាតំណែងនៅជម្រើសជាតិអាល្លឺម៉ង់

2018-08-14 02:18:51
ចំនួនមតិ 0 | ចំនួនចែករំលែក 0

ចន្លោះមិនឃើញ

Jurgen Klopp បានសារភាពថាខ្លួននឹងពិចារណាតំណែងជាគ្រូបង្វឹកក្រុមជម្រើសជាតិអាល្លឺម៉ង់ នៅពេលអ្នកសារព័ត៌មានចោទសួរថាតើលោកគិតយ៉ាងណាបើមានសំណើកើតឡើងមែននោះ។

អាល្លឺម៉ង់បានរងការខកចិត្តនៅ World Cup រុស្ស៊ីបន្ទាប់ពីបញ្ចប់នៅចំណាត់ថ្នាក់បាតពូលក្នុងនាមជាក្រុមការពារដំណែងជើងឯក ប៉ុន្តែគ្រូបង្វឹកបច្ចុប្បន្នមិនត្រូវបានបណ្ដេញចេញនោះទេ ដោយត្រូវបន្តដឹកនាំក្រុមតទៅទៀត។

យ៉ាងណាសួរពាក់ព័ន្ធនឹងឱកាសនៅទីនោះ Klopp ឆ្លើយថា៖ "បើសិនជាថ្ងៃមួយខ្ញុំទំនេរ ហើយមានការទាក់ទងនោះខ្ញុំពិចារណា។ សម្រាប់ពេលនេះ នៅស្ថានភាពពេលនេះខ្ញុំកំពុងជាប់ដៃជាមួយ Liverpool ៤ឆ្នាំទៀត ហើយបើសិនជាទៅដឹកនាំអាល្លឺម៉ង់ព្រោះពួកគេលេង World Cup មិនល្អខ្ញុំប្រហែលមិនប្រថុយទេ"។

Klopp បច្ចុប្បន្នកំពុងផ្ដោតលើពាន Premier League ជាមួយ Liverpool ក្រោយចាយលុយខ្នាតធំទិញកីឡាករ៤នាក់អស់ជាង២០០លានអឺរ៉ូ៕