កាក់កបណាស់! Selena Gomez ទើបចុះកុងត្រាថ្មីផ្សាយម៉ាកកាបូបល្បីមួយក្នុងតម្លៃរាប់លានដុល្លារ

2018-08-15 02:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈអ្នកគាំទ្រជាច្រើនមានការអាណិតអាសូរចំពោះតារាចម្រៀង Selena Gomez ដោយសារតែ តារាចម្រៀង Justin Bieber បានសម្រេចចិត្តភ្ជាប់ពាក្យ និងគ្រោងនឹងរៀបការឆាប់ៗជាមួយតារាម៉ូដែល Hailey Baldwin នោះ ប៉ុន្តែតារាចម្រៀងស្រីរូបនេះ តែងតែនៅរក្សាភាពស្រស់ស្រាយ មិនខ្វល់ពីរឿងស្នេហា ហើយផ្ដោតសំខាន់តែលើរឿងការងាររបស់នាងប៉ុណ្ណោះ។

កាលពីពេលថ្មីៗនេះដែរ ម្ចាស់បទ "Same Old Love” រូបនេះ ទើបតែបង្ហោះរូបភាពប៉ុន្មានសន្លឹកជាមួយមិត្តរបស់នាងលើគណនី Instagram ដើម្បីផ្សព្វផ្សាយឲ្យក្រុមហ៊ុនលក់កាបូបម៉ាកល្បីមួយ។ ជាមួយនឹងការផ្សព្វផ្សាយនេះដែរ តារាស្រីរូបនេះ បានចុះកុងត្រាជាមួយក្រុមហ៊ុនមួយនេះ ក្នុងតម្លៃ ១០ លានដុល្លារ ក្នុងនាមជាតារាដែលតំណាងឲ្យផលិតផលនេះផ្ទាល់។

ជាមួយរូបភាពប៉ុន្មានសន្លឹកនោះដែរ អ្នកគាំទ្រមានការស្ងើចសរសើរចំពោះសម្រស់របស់នាងជាខ្លាំង បើទោះបីជាក្នុងរូបភាពទាំងនោះ នាងផាត់មុខបែបស្រាលៗ ជាមួយនឹងឈុតសម្លៀកបំពាក់សាមញ្ញធម្មតាក៏ដោយ នាងនៅតែមើលទៅស្រស់ស្អាត និងស៊ីវិល័យខ្លាំង។

ទាំងនេះអាចបញ្ជាក់ឲ្យឃើញថា បើទោះបីជាជីវិតស្នេហារបស់តារាចម្រៀង Selena Gomez ហាក់មិនសមប្រកបក្ដី ប៉ុន្តែមុខរបររបស់នាងហាក់កាន់តែរីកចម្រើនទៅមុខ និងកាក់កបខ្លាំង៕

ប្រភព៖ Kenh14 ប្រែសម្រួល៖ អន សុភក្ត្រា