ប្រកាសបេក្ខភាពគ្រាប់បាល់ល្អប្រចាំរដូវកាលមាន Ronaldo តែអត់ Bale

2018-08-15 03:08:19
ចំនួនមតិ 0 | ចំនួនចែករំលែក 0

ចន្លោះមិនឃើញ

បេក្ខភាពគ្រាប់បាល់ល្អប្រចាំរដូវកាលទាំង១១របស់ UEFA បានប្រកាសហើយកាលពីយប់មិញ។ គ្រាប់បាល់របស់ Cristiano Ronaldo ទាត់ Bicycle Kick ពេល Real Madrid លេងជាមួយ Juventus ក៏បានរាប់បញ្ចូល តែគ្រាប់របស់ Gareth Bale ទាត់ដូចគ្នានៅវគ្គផ្ដាច់ព្រ័ត្រ Champions League មិនមានឈ្មោះនោះទេ។

គេនៅចាំបានថា នៅវគ្គ៨ក្រុមចុងក្រោយ UCL រដូវកាលមុនខ្សែប្រយុទ្ធ Ronaldo ដែលកំពុងលេងនៅ Juventusបានលោតយ៉ាងខ្ពស់ទាត់ Bicycle Kick ទម្លុះសំណាញ់អ្នកចាំទី Gianluigi Buffon។ យ៉ាងណាមិញ សម្រាប់ Bale ក៏ធ្លាប់ធ្វើបានគ្រាប់ស្រដៀងនឹង Ronaldo នៅវគ្គផ្ដាច់ព្រ័ត្រ UCL ពេលលេងទល់នឹង Liverpool ប៉ុន្តែមិនត្រូវបានគេរាប់បញ្ចូលក្នុងបេក្ខភាពទាំង១១សោះ។

គ្រាប់របស់ Christian Eriksen ស៊ុតបញ្ចូលទីឲ្យដាណឺម៉ាកទល់នឹងសាធារណរដ្ឋអៀរឡង់នៅវគ្គជម្រុះ World Cup ក៏មានឈ្មោះប្រជែងដែរ។ បញ្ជាក់ថា ការជ្រើសរើសបេក្ខភាពគ្រាប់បាល់ល្អប្រចាំរដូវកាលគេមិនមែនផ្ដោតលើតែការប្រកួតក្នុងទីលានធំផ្នែកបុរសតែមួយមុខទេ ពោលគេតាមដានគ្រប់សកម្មភាពបាល់ទាត់ផ្លូវការទាំងអស់ទាំងរួមមាន បាល់នារី Futsal ឬឈុតយុវជនផ្សេងៗ។