មនុស្សប្រុសចាប់ផ្ដើមបែកចិត្តពីគូស្នេហ៍ តែងបង្ហាញសញ្ញា ៦ យ៉ាងនេះ
- 2018-08-15 08:08:07
- ចំនួនមតិ 0 | ចំនួនចែករំលែក 0
មនុស្សប្រុសចាប់ផ្ដើមបែកចិត្តពីគូស្នេហ៍ តែងបង្ហាញសញ្ញា ៦ យ៉ាងនេះ
ចន្លោះមិនឃើញ
មិនថាល្អ ឬអាក្រក់ មនុស្សម្នាក់ៗតែងតែមានការផ្លាស់ប្ដូរជានិច្ចក្នុងជីវិត និងសូម្បីតែអារម្មណ៍ផ្ទាល់ខ្លួនរបស់ពួកគេ។ ជារឿយៗ ទំនាក់ទំនងស្នេហាទាំងអស់ មិនប្រាកដថាសុទ្ធតែអាចដើរទៅមុខដោយរលូននោះទេ មានពេលខ្លះជួបបញ្ហារកាំរកូស ឬក៏អាចដល់ថ្នាក់បែកបាក់គ្នាក៏មាន។ យ៉ាងណាមិញ អ្នកក៏សម្គាល់លក្ខណៈមួយចំនួន នៅពេលដែលគូស្នេហ៍ចាប់ផ្ដើមប្រែប្រួលឬអស់ចិត្តពីអ្នក។
ដូច្នេះខាងក្រោមនេះ គឺជា ៦ សញ្ញាបង្ហាញថា មនុស្សប្រុសចាប់ផ្ដើមបែកចិត្តពីគូស្នេហ៍របស់ខ្លួន ៖
១. គេមិនលួងអ្នក នៅពេលដែលអ្នកអន់ចិត្ត
នៅពេលដែលអារម្មណ៍របស់មនុស្សប្រុសចាប់ផ្ដើមប្រែប្រួល គេនឹងលែងសូវយកចិត្តទុកដាក់ ឬព្រួយបារម្ភពីអ្នកនៅពេលដែលអ្នកអាក់អន់ស្រពន់ចិត្ត ឬមិនសប្បាយចិត្ត និងមិនថាពេលណាក៏ដោយ។
២. គេព្យាយាមផ្លាស់ប្ដូរអ្នកនូវចំណុចដែលគេមិនពេញចិត្ត
នៅពេលដែលមនុស្សប្រុស ចាប់ផ្ដើមឲ្យគូស្នេហ៍ផ្លាស់ប្ដូរចំណុចណាមួយដែលគេមិនពេញចិត្ត មានន័យថាគេលែងស្រលាញ់អ្នកជាអ្នកទៀតហើយ។ ចំណុចដែលគេមិនពេញចិត្ត នឹងធ្វើឲ្យគេអស់ចិត្តបន្ដិចម្ដងៗ រហូតលែងមានចិត្តស្រលាញ់ទាល់តែសោះ។
៣. អ្នកជាអ្នកផ្ញើសារ ឬទូរសព្ទទៅគេមុន
ច្បាស់ណាស់ ថាគ្រប់ពេលវេលាអ្នកនឹងត្រូវផ្ញើសារ ឬទូរសព្ទទៅគេមុន ប្រសិនបើអ្នកមិនព្យាយាមទាក់ទងគេ នោះគេក៏មិនខ្វល់ពីអ្នកនោះដែរ។
៤. អ្នកសំគាល់ឃើញថាគេមើលស្រីផ្សេងទោះកំពុងនៅជាមួយគ្នា
គេប្រាកដជាមើលស្រីផ្សេងទៀតសូម្បីតែពេលមានវត្តមានរបស់អ្នក ហើយនោះគឺជាសញ្ញាមួយដែលបង្ហាញ គេចាប់ផ្ដើមរកអ្នកថ្មីហើយ។
៥. គេលុបចោលការណាត់ជួបជាមួយអ្នក
មនុស្សប្រុសនឹងចាប់ផ្ដើមលែងខ្វល់ខ្វាយពីអ្នក និងធ្វើឲ្យអ្នកឈឺចាប់ដោយលុបចោលការណាត់ជួបជាមួយអ្នកមិនថាក្រោមហេតុផលណាក៏ដោយ។
៦. គេលែងមានពេលសម្រាប់អ្នក
ទំនាក់ទំនងហាក់ដូចជាប្រែប្រួល មនុស្សប្រុសចាំផ្ដើមលែងមានពេលសម្រាប់អ្នក និងមិនសូវមានពេលនៅក្បែរគ្នាដូចមុន ដោយយកលេសថារវល់នេះ រវល់នោះ៕