តម្លៃទ្រព្យក្រុមហ៊ុន Apple អាចទិញរថយន្ត Bugatti Chiron ដល់ ៣០ មុឺនគ្រឿង
- 2018-08-15 13:43:32
- ចំនួនមតិ 0 | ចំនួនចែករំលែក 0
តម្លៃទ្រព្យក្រុមហ៊ុន Apple អាចទិញរថយន្ត Bugatti Chiron ដល់ ៣០ មុឺនគ្រឿង
ចន្លោះមិនឃើញ
Apple បោះជំហានជោគជ័យមុនគូប្រជែង Alphabet, Amazon និង Microsoft ប្រែខ្លួនជាក្រុមហ៊ុនមានតម្លៃទ្រព្យ ១ ទ្រីលានដុល្លារដំបូងគេបង្អស់ក្នុងលោក។ Sabay ធ្លាប់បង្ហើបកាលពីអត្ថបទមុន ដោយទ្រព្យនេះអាចទិញបាន iPhone X ដល់ទៅ ១ ពាន់លានគ្រឿង ដោយឡែកថ្ងៃនេះមានរបស់អស្ចារ្យ ៩ យ៉ាងផ្សេងទៀតត្រូវបានយកមកគណនា។
៩.ទិញរថយន្ត Bugatti:
Bugatti Chiron ជារថយន្តលឿនបំផុតមួយក្នុងលោក មានល្បឿនអតិបរមា ៤២០ គ.ម/ម៉ ដោយល្បឿនស្ទុះពី ០ – ១០០ គ.ម/ម៉ប្រើពេលត្រឹម ២,៥ វិនាទី។ ស្ថិតក្នុងតម្លៃ ៣,២ លានដុល្លារ បែបនេះ Apple អាចទិញបានចំនួន ៣០០ ០០០ គ្រឿង ប៉ុន្តែជាអកុសលក្រុមហ៊ុន Bugatti ផលិតមានចំនួនកំណត់ត្រឹម ៥០០ គ្រឿងប៉ុណ្ណោះ។
៨.ទិញភូមិគ្រឹះខ្នាតយក្ស:
Villa Les Cedres ជាវិឡាដ៏ស្កឹមស្កៃមួយកសាងអំឡុងឆ្នាំ ១៨៣០ ក្នុងជំនាន់ស្តេចរបស់បែលហ្សិកមួយអង្គ។ ខាងក្នុងមានអាងហែលទឹកខ្នាតអូឡាំពិក បន្ទប់ទទួលភ្ញៀវ ក្រោលគោ ទីធ្លាទំហំ ៥ Arces (ខ្នាតរបស់អង់គ្លេស) សួនច្បារទំហំ ៣៥ Arces ផ្ទះកញ្ចក់ចំនួន ២០ និងបន្ទប់គេងចំនួន ១០។ បើអ្នកចង់បាន នោះអ្នកអាចមានភូមិគ្រឹះ Villas Les Cedres ចំនួន ៩០៩ កន្លែង។
៧.ការគ្រប់គ្រងក្រុមហ៊ុន Ford Motor:
Ford មានតម្លៃទីផ្សារបច្ចុប្បន្នប្រហែល ៤០ ពាន់លានដុល្លារ នោះអ្នកអាចគ្រប់គ្រងក្រុមហ៊ុន Ford Motor ចំនួន ២៥ ក្រុមហ៊ុន សម្រាប់ទូទាត់លើប្រាក់ ១ ទ្រីលានដុល្លារ។
៦.ទិញស្រាមានតម្លៃថ្លៃបំផុត:
ស្រាថ្លៃបំផុត Cabernet Sauvignon ឆ្នាំ ២០១៥ ប្រកាសដេញថ្លៃក្នុងទីក្រុង Los Angeles មួយដបថ្លៃដល់ ៣៥០ ០០០ ដុល្លារ នោះអ្នកអាចទិញស្រានេះបាន ២,៨ លានដប។
៥.ទៅកន្លែងរីករាយបំផុតក្នុងលោក:
យោងតាម Huffington Post ដំណើរកម្សាន្តលក្ខណៈគ្រួសារទៅ Disneyland ត្រូវចំណាយ ៤ ៩៥៤ ដុល្លារ នោះអ្នកអាចទិញកញ្ចប់សេវាកម្មនេះបានចំនួន ២០១ ៨៥៧ ០៨៥ ដងឯណោះ។
៤.ទិញចិញ្ចៀនរៀបអាពាហ៍ពិពាហ៍:
អ្នកជំនួញអូស្រា្តលីលោក James Packer ធ្លាប់ចំណាយថវិកាទិញចិញ្ចៀនពេជ្រតម្លៃ ១០ លានដុល្លារជូនដល់អ្នកស្រី Mariah Carey យ៉ាងណាមិញអ្នកក៏អាចធ្វើបានដោយគន្លងនេះដដែលដល់ទៅ ១ សែនដង។
៣.ទិញរូបគំនូរ:
រូបគំនូរ Salvator Mundi ចំនួន ២ ២២២ ផ្ទាំងនឹងក្លាយជារបស់អ្នក ថ្វីបើមួយផ្ទាំងដាក់លក់ក្នុងតម្លៃ ៤៥០ លានដុល្លារ។
២.ថ្លៃសិក្សានៅ Harvard University:
ឆ្នាំសិក្សាមូលដ្ឋាននៅសកលវិទ្យាល័យ Harvard ថ្លៃ ៦៧ ៥៨០ ដុល្លារ (បូកទាំងថ្លៃស្នាក់នៅនិងអាហារ) បែបនេះ ១ ទ្រីលានដុល្លារអាចអនុញ្ញាតឲ្យអ្នករាល់គ្នាក្នុងទីក្រុង New York និង Los Angeles មានវត្តមានក្នុងសាលាល្បីឈ្មោះនេះបាន។
១.ទិញអគារខ្ពស់បំផុត:
លំដាប់អគារកប់ពពកចំនួន ៦៦៦ ខ្នងនឹងក្លាយជារបស់អ្នក គួបផ្សំអគារខ្ពស់បំផុតក្នុងលោក Burj Khalifa ក្នុងទីក្រុង Dubai មានកម្ពស់ ៨៣០ ម៉ែត្រ។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: