ពីរកន្លែងអាចឆែកដឹងភ្លាម ទូរសព្ទឡើងកម្ដៅ មកពីឆ្នាំងសាក ឬមកពីថ្ម

2018-08-16 02:01:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលទូរសព្ទឡើងកម្ដៅ អាចពិបាកប្រាប់ថាតើមកពីថ្ម ឬឆ្នាំងសាក ប៉ុន្តែទីតាំងមានកម្ដៅអាចសម្គាល់បានខ្លះៗដែរ។ ពេលកម្ដៅកើននៅខ្នង Device នោះអាចជាបញ្ហារបស់ថ្ម ខណៈមានកម្ដៅនៅផ្នែកខាងក្រោម ពេលសាកថ្ម អាចជាបញ្ហារបស់ឆ្នាំងសាក។

វិធីបឋម ដើម្បីបន្ថយកម្ដៅគឺបិទរាល់កម្មវិធីបានបើក ឬបិទទូរសព្ទទុកមួយស្របក់។

បញ្ហាដោយសារទូរសព្ទ

ប្រើទូរសព្ទខ្លាំងពេក៖ ប្រើកម្មវិធី ឬហ្គេមធំៗ មានតម្រូវការអ៊ីនធឺណិត ក្នុងរយៈពេលយូរម៉ោង ជាធម្មតានឹងកើនកម្ដៅ។ ក្រោយបិទកម្មវិធី ឬហ្គេម សីតុណ្ហភាពនឹងប្រែមកធម្មតា ក្រោយប៉ុន្មាននាទី។
ដាក់ទូរសព្ទចំថ្ងៃក្ដៅ៖ ថ្មទូរសព្ទប្រភេទ Lithium-ion អាចខូចគុណភាព ឬដល់ផ្ទុះពេលសីតុណ្ហភាពឡើងខ្ពស់។ ការទុក ឬប្រើទូរសព្ទត្រូវថ្ងៃ ជាពិសេសថ្ងៃត្រង់ អាចបង្កើនកម្ដៅយ៉ាងឆាប់រហ័ស។
ទូរសព្ទឆ្លងមេរោគ៖ ទូរសព្ទមានមេរោគ អាចកើនកម្ដៅ ដោយ Hacker អាចគ្រប់គ្រង ដំណើរការទិន្នន័យពីចម្ងាយ។ គួរប្រើកម្មវិធីកម្ចាត់មានលើ Store ស្កេនយូរៗម្តង។

បញ្ហាដោយសារឆ្នាំងសាក

មិនប្រើឆ្នាំងសាកហ្សីន៖ គួរប្រើឆ្នាំងសាកពីក្រុមហ៊ុន ទាំងក្នុងប្រអប់ទើបទិញ និងពេលខូច។ ឆ្នាំងសាកតម្លៃធូរថ្លៃ មានលើទីផ្សារមួយចំនួន អាចជាប្រភពបញ្ហានៃការកើនកម្ដៅ។
សាកថ្មទូរសព្ទទុកចោល៖ គួររក្សាថាមពលថ្មនៅកម្រិតពី ៣០% ទៅ ៨០%។ ការសាកថ្មដល់ ១០០% នៅតែទុកចោលច្រើនម៉ោង អាចធ្វើឲ្យថ្មកើនកម្ដៅបាន បើសមាសធាតុក្នុងទូរសព្ទអសមត្ថភាពគ្រប់គ្រងចរន្តរត់ចូល៕