មានអ្វីកើតឡើង បើបិទ Permission កម្មវិធីលើទូរសព្ទរបស់អ្នក?

2018-08-16 02:53:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាប់ពី Android Marshmallow មាន Settings អាចគ្រប់គ្រងលើ Permission រាល់កម្មវិធីមួយៗបាន ប៉ុន្តែមិនបានគ្រប់កម្មវិធីក្នុង Google Play នោះឡើយ ដោយសារអ្នកបង្កើតកម្មវិធីជាច្រើន ដាក់គោលដៅជំនាន់កម្មវិធីអាចទាបជាងនេះ។ Permission ចូលប្រើទិន្នន័យអ្នកពីកម្មវិធីនីមួយៗ អាចមានតម្រូវការ ប្រើលើមុខងាររបស់កម្មវិធី។

#តោះមកមើលបញ្ជី Permission ដែល YouTube ប្រើជាឧទាហរណ៍ ស្វែងរក Permission របស់កម្មវិធី

ចូល Settings > Applications
នេះនឹងឃើញកម្មវិធីទើបបានបើក និងបញ្ជីកម្មវិធីដទៃទៀត
អូសមើលរហូតឃើញកម្មវិធី YouTube (បើបានដំឡើង) រួចចុចលើនោះ
លើផ្ទាំងថ្មី ចុចលើជម្រើស Permissions

ក្នុងទំព័រថ្មី នឹងឃើញរាល់បញ្ជី Permission កម្មវិធីកំពុងប្រើប្រាស់ រួមជាមួយប៊ូតុងក្បែរនោះ សម្គាល់ Permission បានបើក ឬក៏អត់។ YouTube មានតម្រូវការ Permissions ជាច្រើន ដែលប្រហែលគួរបើកអនុញ្ញាតទាំងអស់ បើអ្នកចង់ប្រើរាល់ Features របស់កម្មវិធី។

មូលហេតុត្រូវការ Permission

Camera និង Microphone ត្រូវការ បើអ្នកចង់ Live វីដេអូ ប្រើទូរសព្ទ។
Contacts, SMS និង Phone ត្រូវការ បើអ្នកចង់ចែករំលែកវីដេអូជាមួយនរណាម្នាក់ក្នុងបញ្ជីអាសយដ្ឋាន។
Storage ត្រូវការ បើអ្នកចង់ទាញយក វីដេអូនានា។
Location ត្រូវការ បើចង់មើលវីដេអូ ដែល Restrict (ផ្ទៀងផ្ទាត់) តាមតំបន់។

អាចមើលវីដេអូលើ YouTube បានធម្មតា បើទោះបីជា អ្នកមិនផ្ដល់ Permission ណាមួយក៏ដោយ។ ចំពោះ Location permissions បិទ មិនអាចមើលវីដេអូនានា ដែលបាន Restrict នោះទេ។

កម្មវិធីភាគច្រើន ដែលមាន Stream Video ដូចជា Facebook ឬ Twitter មានតម្រូវការ Permission ស្រដៀងគ្នា។

តើគួរបិទ Permission ដែរ ឬទេ?

ពេលបិទ Permission ក្នុងកម្មវិធីមានតម្រូវការប្រើប្រាស់ មុខងារមួយចំនួន អាចដំណើរការមិនប្រក្រតី ឬគាំង។ បើមិនច្បាស់ អាចទាក់ទងអ្នកបង្កើតកម្មវិធី (ព័ត៌មានអាចស្វែងរកលើទំព័រកម្មវិធីមួយៗ ក្នុង Play Store) ចំពោះហេតុផលត្រូវការ Permission ទាំងនេះ៕