អ្នកព្រៃវែងកុំភ្លេចចូលរួម បាខែមខែក្រោយនេះ វាគ្មិនប្រជុំដោយអ្នកជំនាញៗគ្រប់ផ្នែក!

2018-08-16 08:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បារខែម ជាព្រឹត្តិការណ៍បបច្ចេកវិទ្យា និងការចាប់ផ្ដើមជំនួញ បានទៅដល់ខេត្តព្រៃវែងជាលើកដំបូងតាំងពីកកើតកម្មវិធីដ៏ល្បីល្បាញ និងមានសារសំខាន់នេះតាំងពីឆ្នាំ ២០០៨ មក។

អ្នកចូលរួមកម្មវិធីបាខែមឆ្នាំមុនៗ

[បារខែមព្រៃវែង ២០១៨](https://www.facebook.com/BarcampPreyVeng/photos/a.2001191043279487.1073741830.1931980630200529/2002629406468984/?type=3&theater " ") "សិក្ខាសាលាបច្ចេកវិទ្យា ការចាប់ផ្ដើមអាជីវកម្ម" នឹងធ្វើឡើងថ្ងៃទី ១៥ ដល់ ១៦ ខែកញ្ញា ឆ្នាំ២០១៨ នៅក្នុងបរិវេណសាខាសាកលវិទ្យាល័យ ជា ស៊ីម កំចាយមារ ខេត្តព្រៃវែង ចាប់ពីម៉ោង៨ព្រឹក ដល់ម៉ោង៥ល្ងាច។ ព័ត៌មានលម្អិតទាក់ទងលេខទូរស័ព្ទ៖ ០១០ ៣០ ៧៥ ៧៥ អ្នកអាចចូលរួមដោយសេរី និងឥតគិតថ្លៃ។

#ចង់បានអាវយឺត បារខែមព្រៃវែង ២០១៨ សូមចុះឈ្មោះនៅទីនេះ និងទៅឲ្យបានមុនម៉ោង។

#តើអ្នកនឹងទទួលបានអ្វី?

ទទួលបានចំណេះដឹង គំនិតថ្មីៗ និងបានជួបជាមួយអ្នកនិយមបច្ចេកវិទ្យា អ្នកទីផ្សារ អ្នកធ្វើអាជីវកម្ម អ្នកប្រើប្រាស់អ៊ីនធឺណិតធ្វើអាជីវកម្ម។
ទទួលបានអាវយឺត (មានកំណត់) និងវត្ថុអនុស្សាវរីយជាច្រើនទៀតពីអ្នកឧបត្ថម្ភកម្មវិធីផ្សេងៗទៀត
ភ្ជាប់ទំនាក់ទំនងជាមួយវាគ្មិន និងអ្នកចូលរួមដទៃ សម្រាប់អាជីវកម្ម និងបណ្ដាញរបស់អ្នកទៅថ្ងៃមុខ
អ្នកអាចសិក្សារៀនសូត្រ យកបទពិសោធន៍ជីវិតពីវាគ្មិននីមួយៗដែលអញ្ជើញមកក្នុងរាជធានីភ្នំពេញ
អ្នកមានឱកាសជួបជាមួយក្រុមអ្នកមានបទពិសោធន៍ធ្វើជំនួញ និងអ្នកបច្ចេកវិទ្យា បានរៀនសូត្រពីអ្នកស្ម័គ្រចិត្ត និងអ្នករៀបចំព្រឹត្តិការណ៍បារខែម ក្នុងការរៀបចំព្រឹត្តិការណ៍បច្ចេកវិទ្យាថ្មី។

បារខែមព្រៃវែង ២០១៨ មានគោលបំណងផ្ដល់ការចែករំលែកចំណេះដឹង និងកសាងទំនាក់ទំនង រវាងអ្នកចូលរួម និងវាគ្មិន ដែលមានប្រធានបទទាក់ទង នឹងបច្ចេកវិទ្យាព័ត៌មាន ការចាប់ផ្ដើមជំនួញ សហគ្រិនភាព អាជីពការងារ រចនា និងច្នៃប្រឌិត សម្រាប់ការសិក្សា ការងារ និងទំនាក់ទំនង ព្រមទាំងចំណេះដឹងផ្សេងៗ ដូចជា ជ្រើសគំនិតអាជីវកម្ម ការស្វែងយល់ពីការបង្កើតគំរូអាជីវកម្ម ស្វែងយល់អំពីអតិថិជន ការផលិតផលិតផលនិងសេវាកម្ម ផ្សព្វផ្សាយនិម្មិតសញ្ញាអាជីវកម្ម ទីផ្សារ និងការរៀបចំគម្រោង ចំណាយចាប់ផ្ដើមអាជីវកម្ម ជាដើម ។ ក្រៅពីនេះ នៅមានការតាំងបង្ហាញ របស់ម្ចាស់អាជីវកម្មខ្នាតតូច និង ផលិតផល ឬសេវាកម្មបច្ចេកវិទ្យាថ្មីៗ។

របៀបស្វែងរកប្រធានបទ

ប្រធានបទនីមួយៗនឹងត្រូវធ្វើឡើងក្នុង ៥ បន្ទប់ផ្សេងគ្នា ប្រធានបទនីមួយៗមានរយៈពេល ១ម៉ោង។ អ្នកចូលរួមត្រូវពិនិត្យមើល និងស្វែងរកប្រធានបទដែលខ្លួនពេញចិត្តដើម្បីចូលរួមស្ដាប់តាមបន្ទប់ តាមម៉ោង និងប្រធានបទនីមួយៗ។ ដើម្បីស្វែងរកព័ត៌មានប្រធានបទ អ្នកចូលរួមអាចមើលនៅលើផ្ទាំង តារាងប្រធានបទ ដែលអ្នករៀបចំកម្មវិធីបានបិត ក្នុងបរិវេណកម្មវិធី ឬអាចចូលទៅវេបសាយ បារខែមកម្ពុជា ដើម្បីមើលប្រធានបទទាំងអស់ www.barcampcambodia.org

#ដូចនេះ កុំភ្លេចចូលរួមទាំងអស់គ្នា!

អត្ថបទ៖ រក្សា