តារារ៉េប សាំង សុខសេរី ត្រៀមបញ្ចេញបទថ្មីៗសម្រាប់អាល់ប៊ុមដំបូង

2018-08-16 10:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សាំង សុខសេរី ត្រូវបានអ្នកស្រលាញ់ពេញចិត្តតន្ដ្រីហ៊ីបហបជាច្រើនបានស្គាល់ តាមរយៈការបង្ហាញខ្លួនរបស់នាង នៅក្នុងកម្មវិធី Hear My Song កាលពីឆ្នាំ២០១៤។ ក្នុងឱកាសនោះ សេរី បានបកស្រាយនូវបទចម្រៀងមួយបទចំណងជើងថា "ពន្លឺ" ដែលជាបទចម្រៀងនាងនិពន្ធផ្ទាល់ខ្លួនសម្រាប់ផ្ដល់កម្លាំងចិត្តដល់ក្មេងម្នាក់កំពុងជួបបញ្ហាក្នុងជីវិត។

ប៉ុន្មានថ្ងៃមុននេះ សេរី បានជួបជាមួយ Sabay ដើម្បីនិយាយរៀបរាប់ពីជីវិតជាតារារ៉េបស្រីម្នាក់នៅកម្ពុជា និងការតស៊ូតាំងពីដើមទីរហូតមកដល់ពេលបច្ចុប្បន្ន។ ដោយចាប់ផ្ដើមពីអ្នកហាត់រាំចង្វាក់ហ៊ីបហប និងរ៉េប តាំងពីឆ្នាំ ២០១២ រហូតមកដល់ពេលនេះ នាងបានចូលរួមច្រៀងជាមួយតារាចម្រៀងល្បីៗជាច្រើនដូចជា 12Me និង Nikki Nikki ជាដើម។

អ្វីដែលពិសេសបំផុតនោះគឺ តារារូបនេះបានបង្ហើបថាខ្លួនអាចនឹងបញ្ចេញអាល់ប៊ុមដំបូងឆាប់ៗនេះហើយ ដោយព្រមទាំងបញ្ចេញ Sneak peak ខ្លះៗ នូវបទចម្រៀងថ្មីមួយបទ ដែលនឹងដាក់បញ្ចូលក្នុងអាល់ប៊ុមថ្មីនោះដែរ។

បើចង់ដឹងច្បាស់ទស្សនាវីដេអូសម្ភាសន៍ទាំងស្រុងខាងក្រោម៖

អត្ថបទ៖ ធារ៉ូ