ដល់ពេលហើយ ជើងខ្លាំងខាង Hack រូបអាក្រាតកាយតារាល្បីៗ ចេញមុខសុំតុលាការបន្ធូរដៃផង
- 2018-08-16 13:32:41
- ចំនួនមតិ 0 | ចំនួនចែករំលែក 0
ដល់ពេលហើយ ជើងខ្លាំងខាង Hack រូបអាក្រាតកាយតារាល្បីៗ ចេញមុខសុំតុលាការបន្ធូរដៃផង
ចន្លោះមិនឃើញ
Hacker មួយរូបឈ្មោះ George Garofano ធ្លាប់លួចលុកលុយគណនី iCloud របស់តារាល្បីច្រើនរាប់មិនអស់ ដោយរួមមានទាំងតារាសម្តែងស្រី Jennifer Lawrence ក៏ដូចជា Kate Upton បានចេញមុខសូមការកាត់បន្ថយកម្រិតទោសពីចៅក្រម ក្រោយទទួលស្គាល់ថាជីវិតខ្លួនត្រូវវិនាសគ្រប់បែបយ៉ាងទៅហើយនោះ។
រូបភាពអាក្រាតកាយរាប់រយសន្លឹករបស់តារាល្បីត្រូវបង្ហោះចែកចាយចូលក្នុងគេហទំព័រ *Reddit* ពោលជារឿងអាស្រូវផ្ទុះខ្លាំងបំផុតកាលពីឆ្នាំ ២០១៤ រហូតជាប់ឈ្មោះជា **Celebgate** នៅលើ Online រហូតទល់ខែមេសា ឆ្នាំ ២០១៨ លោកបានជាប់ចោទពីការចូលប្រើប្រាស់កុំព្យូទ័រដោយគ្មានការអនុញ្ញាត និងត្រៀមខ្លួនទទួលការកាត់ទោសនាថ្ងៃទី ២៩ សីហាខាងមុខ។
ព្រះរាជអាជ្ញាប្រចាំរដ្ឋ Connecticut សហរដ្ឋអាមេរិកបានសង្កត់ធ្ងន់ថាជនល្មើសគួរតែជាប់ពន្ធនាគារចន្លោះពី ១០ ទៅ ១៦ ខែ ស្របពេលជើងខ្លាំងខាងវាយប្រហារលើប្រព័ន្ធអ៊ីនធឺណិតរូបនេះ ក៏សរសេរសារសូមការអត់ឱនយ៉ាងដូច្នោះថា៖ "ខ្ញុំត្រូវការពេលវេលាដែលនឹងអភ័យទោសសម្រាប់ខ្លួនឯង ហើយក៏ខកចិត្តនូវទង្វើមិនល្អដែលខ្ញុំបានប្រព្រឹត្តិ ជាអារម្មណ៍វិប្បដិសារីចំពោះគ្រប់គ្នាដែលរងគ្រោះជុំវិញរឿងរ៉ាវទាំងនេះមិនថាក្នុងលក្ខខណ្ឌសាធារណៈឬឯកជន"។
មេធាវីលោក Richard Lynch ក៏សង្កត់ធ្ងន់ថា៖ "តាមពិតទៅគាត់ក៏ដឹងកំហុសរបស់ខ្លួនឯង ដោយព្រមទទួលខុសត្រូវគ្រប់បែបយ៉ាង ប៉ុន្តែជុំវិញការ Hack នេះក៏មានគ្នា ៤ នាក់ឯទៀតចូលផ្សំគំនិត"។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
មិនចង់រថយន្តស៊ីសាំង អនុវត្តស្នៀតបើកបរ ៧ ចំណុចនេះ អាចដឹងលទ្ធផលភ្លាមៗ
បើដឹងទាន់ អាចបញ្ចៀសរឿងធ្ងន់បាន ពេលឃើញសញ្ញាទាំងនេះលោតលើកុងទ័ររថយន្ត