ស្លុតចិត្តមិនស្ទើរ បើដឹងមូលហេតុមិនគួរលេងទូរសព្ទពេលយប់
- 2018-08-17 01:38:45
- ចំនួនមតិ 0 | ចំនួនចែករំលែក 0
ស្លុតចិត្តមិនស្ទើរ បើដឹងមូលហេតុមិនគួរលេងទូរសព្ទពេលយប់
ចន្លោះមិនឃើញ
ចូលគ្រែគេង ទាញស្មាតហ្វូនទៅតាម អូសមើលព័ត៌មានបណ្ដាញសង្គម មើលអ៊ីមែល ឬលេងហ្គេម។ ការស្រាវជ្រាវជាច្រើន កន្លងមកក៏បានបង្ហាញដែរ ទម្លាប់នេះអាចផ្តល់ប៉ះពាល់យ៉ាងធ្ងន់ធ្ងរដល់សុខភាព ជាពិសេសភ្នែក បើមិនចេះគ្រប់គ្រង។
១) អាចបំផ្លាញដល់ភ្នែក
ពន្លឺពណ៌ខៀវ បញ្ចេញក្នុងកម្រិតខ្ពស់ពី ស្មាតហ្វូន, Tablet, Laptop និងឧបករណ៍ប្រើអេក្រង់ LED ដទៃទៀត អាចបំផ្លាញដល់ភ្នែកបាន។ ចម្លើយស្រដៀងគ្នារវាងការសិក្សារបស់ Business Insider និង American Macular Degeneration Foundation សុទ្ធតែបង្ហាញថា ពន្លឺពណ៌ខៀវពីឧបករណ៍អេឡិចត្រូនិក អាចបំផ្លាញដល់ប្រស្រីភ្នែក ឈានដល់ម៉្ញូប។
ហានិភ័យទាំងនេះ អាចជៀសវាងបាន ដោយកុំព្យាយាមប្រើទូរសព្ទ រាល់ពេលល្ងាច ឬយប់។ បើចង់គួរប្រើកម្មវិធីជំនួយទម្លាក់កម្រិតពណ៌ខៀវមកស្រទំ ជួយការពារដល់ភ្នែក ពេលសម្លឹងពន្លឺទាំងនេះ អាចសាកប្រើមុខងារ Night Shift (iOS) ឬ កម្មវិធី Twilight (Android)។
២) រំខានដល់ដំណេក
ពន្លឺពណ៌ខៀវ អាចរំខានដល់ការផលិតមេឡាតូនីន (Melatonin) ជាអ័រម៉ូនមួយប្រភេទ ដែលជួយដល់ដំណើរការគេង ដែលរាងកាយត្រូវការ។ ជាលទ្ធផល មិនត្រឹមតែធ្វើឲ្យអ្នកគេងបានតិច និងអស់កម្លាំង ក៏អាចឈានដល់មានជំងឺផ្សេងៗដូចជាជំងឺបេះដូង ឡើងទម្ងន់ ជំងឺធ្លាក់ទឹកចិត្ត និងថប់អារម្មណ៍។
៣) បង្កើនហានិភ័យកើតជំងឺមហារីក
ការគេងមានតម្រូវការចាំបាច់ សម្រាប់រាងកាយលូតលាស់ ហើយក៏ជួយឲ្យអារម្មណ៍ស្រស់ថ្លា ដែលគួរគេងយ៉ាងតិចពី ៦ ទៅ ៨ម៉ោងក្នុងមួយថ្ងៃ។ ពេលកម្រិតមេឡាតូនីន ថយចុះ ហានិភ័យសម្រាប់ជំងឺមហារីក និងជំងឺផ្សេងៗនឹងមានការកើនឡើង។ បើផលិតកម្មមេឡាតូនីន មានការរំខាន ត្រឹមមួយយប់ មិនសូវចោទជាបញ្ហាធ្ងន់ធ្ងរនោះទេ។ បើមានទម្លាប់ប្រើទូរសព្ទពេលយប់ អាចបង្កើនហានិភ័យ ក្នុងការបំផ្លាញកោសិកា និងកកើតមានជំងឺនានា។
ជាការលើកទឹកចិត្ត គួរចាប់ផ្ដើមគិតគូរពីសុខភាព កាត់បន្ថយការប្រើទូរសព្ទពេលយប់ ជាពិសេសពេលដល់គ្រែគេង បើអាចបិទទូរសព្ទតែម្ដង៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ