ល្បីថា MacBook ឆ្នាំ ២០១៨ ក្ដៅខ្លាំង សាកយកចៀនស៊ុតម្ដងមើល
- 2018-08-17 01:58:49
- ចំនួនមតិ 0 | ចំនួនចែករំលែក 0
ល្បីថា MacBook ឆ្នាំ ២០១៨ ក្ដៅខ្លាំង សាកយកចៀនស៊ុតម្ដងមើល
ចន្លោះមិនឃើញ
ដោយឃើញថា MacBook Pro ស៊េរីថ្មីដែលប្រើ CPU Core i9 ងាយនឹងឡើងកម្ដៅពេលបំពេញកិច្ចការធំៗ អ្នកផលិតវីដេអូ YouTube មួយរូប បានសាកល្បងយកកុំព្យូទ័រតម្លៃរាប់ពាន់ដុល្លារនេះ យកធ្វើជាចង្ក្រានចម្អិនស៊ុត។
ដំបូងគេបានកំណត់ឲ្យកុំព្យូទ័រដំណើរការខ្លាំង ដោយដាក់ឲ្យ Export វីដេអូកម្រិត 4K ក្នុងកម្មវិធី Adobe Premiere។ ពេលឡើងកម្ដៅហើយគេក៏បានយកប្រេងឆា និងកងរង្វង់មួយ រួចគោះស៊ុតចូល។ កុំព្យូទ័របានឡើងកម្ដៅខ្ពស់រហូតដល់ ៤៥ អង្សាសេ អំឡុងពេលកំពុងបំពេញប្រតិបត្តិការ។
ចំណាយពេលចម្អិនអស់ប្រមាណ ៦ ម៉ោងស៊ុតក៏បានប្រែរូបរាង ដោយមានលេចចេញជាផ្ទៃពណ៌សខ្លះៗបង្ហាញពីសញ្ញានៃការឆ្អិន។ កុំព្យូទ័រក៏បានថយចុះកម្ដៅ ហើយការសាកល្បងក៏ត្រូវបិទបញ្ចប់ត្រង់នេះ។
គួរដឹងថាវីដេអូនេះបានបង្ហោះឡើង មុននឹងការបញ្ចេញកំណែទម្រង់ជួសជុលការឡើងកម្ដៅនៃ MacBook Pro ឆ្នាំ ២០១៨ ពីក្រុមហ៊ុន Apple៕