Aretha Franklin ម្ចាស់ក្សត្រីចម្រៀងចង្វាក់ Soul ទទួលមរណភាពក្នុងវ័យ ៧៦ឆ្នាំ
- 2018-08-17 02:45:00
- ចំនួនមតិ 0 | ចំនួនចែករំលែក 0
Aretha Franklin ម្ចាស់ក្សត្រីចម្រៀងចង្វាក់ Soul ទទួលមរណភាពក្នុងវ័យ ៧៦ឆ្នាំ
ចន្លោះមិនឃើញ
តារាចម្រៀងជើងចាស់ Aretha Franklin ដែលត្រូវបានគេចាត់ទុកថាជាម្ចាស់ក្សត្រីចម្រៀងចង្វាក់ Pop និង Soul R&B នៅទសវត្សរ៍ទី ៦០និង៧០ ទទួលមរណភាពកាលពីយប់មិញនេះដោយសាររោគាពាធ ក្នុងវ័យ៧៦ឆ្នាំ។
Aretha បានប្រឈមមុខនឹងជំងឺមហារីកក្រពះ អស់រយៈពេលជាយូរមកហើយ ដែលទើបនឹងទទួលការវះកាត់កាលពីឆ្នាំ២០១០។ ការស្លាប់របស់នាងត្រូវបានប្រកាសដោយ អ្នកប្រចាំការ Gwendolyn Quinn កាលពីព្រឹកថ្ងៃព្រហស្បតិ៍ នៅផ្ទះរបស់តារារូបនេះ នៅទីក្រុង Detroit រដ្ឋ Michigan សហរដ្ឋអាមេរិក។
លោកស្រី បានត្រូវគេចាត់ទុកថាជាតារាចម្រៀង R&B ល្អបំផុតក្នុងសម័យកាល ដោយទទួលបានពានរង្វាន់ Grammy Awards ដល់ទៅ ១៨ និងពានកិត្តិយស Recording Academy កាលពីឆ្នាំ ១៩៩៤។ ក្រៅពីនេះ លោកស្រីក៏ទទួលបានពានរង្វាន់ជាច្រើនទៀតជាហូរហែ ដោយសារតែកិត្តិយស និងកេរ្តិ៍ឈ្មោះរបស់លោកស្រី។
បន្ទាប់ពីប្រឡូកចូលក្នុងវិស័យសិល្បៈក្នុងវ័យ ១២ឆ្នាំ Aretha បានឆ្លងកាត់ភាពលំបាកជាច្រើនទម្រាំត្រូវបានគេទទួលស្គាល់ពីសមត្ថភាព និងសំឡេងដ៏ក្រអួនក្រអៅរបស់ខ្លួន។ មិនត្រឹមតែប៉ុណ្ណោះតារារូបនេះ គឺជានិមិត្តរូបនៃការតស៊ូដ៏អស្ចារ្យរបស់ស្រ្ដី ដោយនាងត្រូវរស់នៅក្រោមការបែកបាក់គ្រួសារតាំងពីអាយុ៦ឆ្នាំ។ ក្រៅពីនេះនាងក៏ត្រូវឆ្លងកាត់ ការបៀតបៀនផ្លូវភេទកាលពីនាងមានវ័យ ១២ និង១៥ឆ្នាំ ធ្វើឲ្យនាងមានផ្ទៃពោះវ័យក្មេងដល់ទៅ២ដង។
ទោះជាយ៉ាងណាក៏ដោយ ក៏តារារូបនេះជម្នះរាល់ឧបសគ្គគ្រប់បែបយ៉ាង ហើយបំពេញបំណងនិងសេចក្ដីស្រមៃខ្លួនឯងដើម្បីក្លាយជាតារាដ៏ល្បីមួយរូបក្នុងវិស័យចម្រៀង។ ការស្លាប់របស់ Aretha Franklin គឺជាការបាត់បង់ដ៏ធំមួយ ធ្វើឲ្យតារាល្បីៗគ្រប់ទីកន្លែងនៅពិភពលោក បង្ហាញសេចក្ដីសោកស្ដាយនិងស្រលាញ់ចំពោះនាង។ Aretha គឺជានិមិត្តរូបនៃការតស៊ូរបស់ស្ដ្រីដែលឆ្លងកាត់ការលំបាកគ្រប់ទីកន្លែង និងរាជិនីតន្ដ្រីសំឡេងពីរោះមិនអាចបំភ្លេចបាន៕
នេះជាបណ្ដាបទចម្រៀងល្បីៗខ្លាំងរបស់់ Aretha Franklin៖