ក្បួនដង្ហែយោធារបស់ ត្រាំ ត្រូវពន្យាដល់ឆ្នាំ២០១៩ ព្រោះការចំណាយលើសដល់ ៦៦៦%
- 2018-08-17 02:44:28
- ចំនួនមតិ 0 | ចំនួនចែករំលែក 0
ក្បួនដង្ហែយោធារបស់ ត្រាំ ត្រូវពន្យាដល់ឆ្នាំ២០១៩ ព្រោះការចំណាយលើសដល់ ៦៦៦%
ចន្លោះមិនឃើញ
ក្រសួងការពារជាតិអាមេរិក បានប្រកាសកាលពីថ្ងៃព្រហស្បតិ៍ថា ខ្លួននឹងពន្យារពេលក្បួនដង្ហែយោធា រហូតដល់ឆ្នាំ២០១៩ ស្របពេលដែលមានរបាយការណ៍បង្ហាញថា ការចំណាយសម្រាប់គម្រោងមួយនេះកើនឡើងខ្លាំងលើសលប់។
សារព័ត៌មាន AP បានរាយការណ៍កាលពីថ្ងៃព្រហស្បតិ៍ថា ការប៉ាន់ប្រមាណតម្លៃសម្រាប់ក្បួនដង្ហែយោធារបស់ប្រធានាធិបតី ដូណាល់ ត្រាំ ដែលត្រូវបានគ្រោងទុកសម្រាប់ថ្ងៃទី១០ ខែវិច្ឆិកា នៅក្នុងទីក្រុង Washington បានកើនឡើងបន្ថែម ៨០លានដុល្លារទៀត។
កាលពីខែមុន កាសែត Military Times បានរាយការណ៍ថា ការប៉ាន់ប្រមាណដំបូងនៃការចំណាយក្នុងក្បួនយោធានេះ គឺ ១២លានដុល្លារតែប៉ុណ្ណោះ។ មន្ត្រីសុំមិនបញ្ចេញឈ្មោះម្នាក់ បានប្រាប់ទីភ្នាក់ងារព័ត៌មាន AP ថា គម្រោងថ្មីអាចត្រូវចំណាយ ៩២លានដុល្លារ ដែលចំនួននេះគឺកើនឡើងរហូតដល់ទៅ ៦៦៦ភាគរយ។
មន្ត្រីដដែលបាននិយាយថា លុយប្រហែល ៥០លានដុល្លារ នឹងត្រូវចំណាយទៅលើមន្ទីរបញ្ចកោណ Pentagon សម្រាប់ឧបករណ៍បរិក្ខារ , បុគ្គលិក និងការចំណាយផ្សេងទៀតសម្រាប់ក្បួនដង្ហែនោះ។ លុយដែលនៅសល់នឹងត្រូវចំណាយលើភ្នាក់ងារផ្សេងទៀត រួមទាំងសន្តិសុខផងដែរ។
គួររំលឹកឲ្យដឹងថា កាលពីខែកុម្ភៈកន្លងទៅ លោក Mick Mulvaney នាយកការិយាល័យផ្នែកគ្រប់គ្រង និងថវិកាជាតិ ប្រចាំនៅសេតវិមាន បានដាក់តម្លៃនៃការចំណាយចន្លោះពី ១០ ទៅ ៣០ លានដុល្លារប៉ុណ្ណោះ៕