យុវជន៣នាក់របស់ ថៃហ្គ័រ ទៅហ្វឹកហាត់២សប្ដាហ៍នៅប្រទេសជប៉ុន

2018-08-17 04:20:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹបបាល់ទាត់អង្គរថាយហ្គឺរ បានបញ្ជូនយុវជន៣នាក់របស់ខ្លួន ដើម្បីទៅហ្វឹកហាត់នៅប្រទេសជប៉ុនរយៈពេល២សប្ដាហ៍ជាមួយថ្នាលយុវជននៅទីនោះ។

កីឡាករទាំង៣នាក់ខាងលើនេះរួមមាន ចិន ណារក្ស សុវណ្ណ ដូណា និងភាព ចាន់ដេវីត។ ពួកគេទាំងបីនាក់បានចាកចេញពីកម្ពុជាល្ងាចម្សិលមិញនៅព្រលានយន្ដហោះសៀមរាប ហើយបានទៅដល់ប្រទេសជប៉ុនដោយសុវត្ថិភាពហើយ។ ការទៅហ្វឹកហាត់នៅជប៉ុននេះ ពួកគេនឹងចូលរួមជាមួយសាលាបាល់ទាត់ Vivaio Funabashi S.C និងមានឱកាសបានទៅទស្សនៈកិច្ចក្លឹបកំពូលជប៉ុនផងដែរ។

នេះជាលើកទី២ហើយដែលក្លឹបមានម្ចាស់ជាជនជាតិជប៉ុននេះ បានបញ្ជូនកីឡាកររបស់ខ្លួនទៅហ្វឹកហាត់នៅជប៉ុន។ ខណៈ ដែលលើកដំបូងកន្លងទៅ គឺកីឡាករ ភាព ចាន់ដេវីត មានឱកាសទៅជប៉ុនដកស្រង់បទពិសោធ១សប្ដាហ៍ នៅឆ្នាំ២០១៧ ហើយក៏បានជួបជាមួយខ្សែប្រយុទ្ធ ចាន់ វឌ្ឍនាកា គ្រារូបគេលេងនៅក្លឹប Fujieda MYFC ផងដែរ៕

អត្ថបទ៖ មុន្នីរម្យ