YouTube លុបចោលវីដេអូ Trailer រឿង "The Nun” ព្រោះវាគួរឲ្យខ្លាចពេក (មានវីដេអូ)

2018-08-17 03:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

វិបសាយវីដេអូយក្ស YouTube បានហាមឃាត់មិនឲ្យវីដេអូ Trailer ខ្នាតខ្លីលក្ខណៈជា ad ថ្មីមួយរបស់រឿង "The Nun” ដាក់នៅលើវិបសាយនេះទេ ដោយសារតែមានលក្ខណៈពញ្ញាក់ខ្លាំងហួសហេតុពេកអាចធ្វើឲ្យអ្នកមើលខ្លះមានបញ្ហាសតិអារម្មណ៍។

កាលពីសប្ដាហ៍មុននេះ YouTube បានលុបចោលវីដេអូ Trailer នេះតែម្ដងចេញទោះបីជាវីដេអូនេះមានរយៈពេលតែ ៦វិនាទីក្ដី ដោយសារតែវាគួរឲ្យខ្លាចខ្លាំងពេក។ ក្នុងរយៈពេល៤វិនាទីដំបូង វីដេអូនេះមានតែពណ៌ខ្មៅ តែប៉ុណ្ណោះហើយក្រោយមកក៏មានលោតចេញផ្ទាំងបិទសំឡេង ហើយក៏បើកសំឡេងវិញ បន្ទាប់មកស្រាប់តែខ្មោចដូនជីនោះចេញមកបន្លាចអ្នកមើល គួរឲ្យខ្លាច។ បើសិនជាអ្នកទស្សនាវីដេអូនេះមានជំងឺបេះដូង ប្រហែលជាអានមានបញ្ហាធ្ងន់ធ្ងរព្រោះវាគួរឲ្យខ្លាចខ្លាំង។

ទោះបីជាវីដេអូនេះត្រូវបានហាមឃាត់ពី YouTube ក៏ពិតមែន ប៉ុន្តែអ្នកអាចទស្សនាវីដេអូនៅទីនេះ បើសិនជាក្លាហាន។ គូសបញ្ជាក់ដែរថា វីដេអូនេះត្រូវបានបង្ហោះដោយ Channel ផ្សេងទៀតមិនមែនជា Channel របស់រឿង "The Nun” នោះទេ ហើយអាចនឹងត្រូវលុបចោលនៅពេលណាមួយ។