ញាក់សាច់ ពេលដឹងតម្លៃ Angelina ចំណាយលើកូនៗ ក្នុង ១ ឆ្នាំៗ
- 2018-08-17 03:53:28
- ចំនួនមតិ 0 | ចំនួនចែករំលែក 0
ញាក់សាច់ ពេលដឹងតម្លៃ Angelina ចំណាយលើកូនៗ ក្នុង ១ ឆ្នាំៗ
ចន្លោះមិនឃើញ
ក្នុងពេលបច្ចុប្បន្ន តារាសម្ដែង Brad Pitt មានប្រាក់ចំណូល ៣១៥,៥ លានដុល្លារ ខណៈតារាសម្ដែង Angelina Jolie រកបាន ២៣៩ លានដុល្លារ។ ទោះជាប្រាក់ចំណូលមានច្រើនយ៉ាងនេះក្ដី ការចិញ្ចឹមបីបាច់កូនៗ និយាយចំពោះពួកគេគឺត្រូវចំណាយប្រាក់ច្រើនសន្ធឹកសន្ធាប់ណាស់។ ងាកចេញពីបញ្ហាជុំវិញរឿងផ្គត់ផ្គង់កូនៗរបស់តារាសម្ដែងទាំង ២នេះវិញ ខាងគេហទំព័ររបស់ The People កាលពីពេលថ្មីៗនេះ បានទម្លាយពីតម្លៃដ៏ច្រើនដែលចំណាយលើការផ្គត់ផ្គង់កូនៗរបស់ពួកគេ។
១. ជួលអ្នកមើលថែកូនៗ (២៨០ ០០០ដុល្លារ ក្នុង ១ ឆ្នាំ)
បើតាមលោកស្រី Lindsey Thomason នាយកប្រតិបត្តិសមាគមគណៈមេធាវីនៃទីក្រុង Los Angeles បានបញ្ជាក់ប្រាប់ថា សម្រាប់ការជួលអ្នកមើលថែកូនៗពេញម៉ោង អាចចំណាយរហូតដល់ ១៤០ ០០០ ដុល្លារក្នុង ១ ឆ្នាំ នេះមិនរាប់បញ្ចូលថ្លៃធានារ៉ាប់រងសុខភាព និងការស្នាក់នៅផង ដែលត្រូវចំណាយពីចន្លោះ ២០០ ទៅ ៤០០ ដុល្លារថែមទៀតនោះ។ សម្រាប់គ្រួសារធំដូចតារាសម្ដែង Angelina និង Brad Pitt នេះ ជាញឹកញាប់ ត្រូវជួលយ៉ាងហោចណាស់អ្នកមើលថែចំនួន ២នាក់ ដូច្នេះហើយ សម្រាប់ថ្លៃគឺកើនឡើងគុណនឹង ២។
២. ការសិក្សា (១០០ ០០០ ដុល្លារក្នុង ១ ឆ្នាំ)
កាលពីឆ្នាំ ២០១៦ តារាសម្ដែង Angelina Jolie បាននិយាយប្រាប់កម្មវិធី "Woman's Hour” របស់ទូរទស្សន៍ BBC ថា៖ "រាល់កូនៗទាំងអស់ សិក្សាភាសាផ្សេងៗគ្នា។ Shiloh រៀនភាសាខ្មែរ Pax រៀនភាសាវៀតណាម Maddox រៀនភាសាអាល្លឺម៉ង់ និងរុស្សី Zahara រៀនភាសាបារាំង Vivienne ចាប់អារម្មណ៍រៀនភាសាអារ៉ាប់ និង Knox រៀនភាសាកាយវិការ"។ ចំពោះការចំណាយទាំងអស់ មិនក្រោម ១០០ ០០០ ដុល្លារនោះទេ ក្នុង១ ឆ្នាំៗ។
៣. ជួលយន្តហោះផ្ទាល់ខ្លួនសម្រាប់ដើរកម្សាន្ត (៣៦ ០០០ ដុល្លារ ក្នុង ១ ដង)
បើតាមលោក Bruce Givner មេធាវីខាងពន្ធ បាននិយាយថា យន្តហោះពិសេសថ្នាក់កំពូល ពីទីក្រុងឡុងដុង ទៅទីក្រុង Los Angeles មានតម្លៃ ១២ ០០០ ដុល្លារ។ ទោះជាយ៉ាងណាក៏ដោយ សម្រាប់ក្រុមគ្រួសារដ៏ធំរបស់តារាសម្ដែងទាំង ២រូបនេះ តម្លៃអាចឡើងដល់គុណនឹង ២ ឬគុណនឹង៣ឯណោះ។
៤. អង្គរក្ស (១,៥ លានដុល្លារ ក្នុង ១ ឆ្នាំ)
បើតាមលោក Bruce Givner ដដែលបានបញ្ជាក់បន្ថែមថា សម្រាប់អង្គរក្សម្នាក់ អាចស៊ីថ្លៃរហូតដល់ ៥០ ០០០ ដុល្លារក្នុង ១ ឆ្នាំ ប៉ុន្តែតម្លៃនេះ នឹងត្រូវកើនឡើង ប្រសិនបើពួកគេជួលតាមរយៈឈ្មួញកណ្ដាល ឬជួលពីមនុស្សច្រើនជាងមួយនាក់។
៥. មេចុងភៅ (២០០ ០០០ ដុល្លារក្នុង ១ ឆ្នាំ)
មេធាវីខាងពន្ធរូបនេះ បាននិយាយទៀតថា ចំពោះតារាដែលល្បីល្បាញ ជាធម្មតាជួលមេចុងភៅយ៉ាងតិចណាស់ក៏ម្នាក់ដែរ ហើយការចំណាយគឺពីចន្លោះ ១០០ ០០០ ទៅ ២០០ ០០០ ដុល្លារក្នុង ១ ឆ្នាំ៕