ពានរង្វាន់ អាឃ្វ័ររៀស ប្រកួត១ខែ ប្រាក់រង្វាន់ ៤ ៥០០ដុល្លារ ចាប់ផ្ដើមហើយ
- 2018-08-17 07:02:57
- ចំនួនមតិ 0 | ចំនួនចែករំលែក 0
ពានរង្វាន់ អាឃ្វ័ររៀស ប្រកួត១ខែ ប្រាក់រង្វាន់ ៤ ៥០០ដុល្លារ ចាប់ផ្ដើមហើយ
ចន្លោះមិនឃើញ
ពានរង្វាន់មិនអាជីព អាឃ្វ័ររៀស ឆ្នាំ២០១៨ បានចាប់ផ្ដើមដំណើរការប្រកួតរបស់ខ្លួនហើយ នៅម្សិលមិញនេះ ដោយមានក្រុមចូលរួម៥៦ក្រុម ប្រកួតតែ១ខែប៉ុណ្ណោះ។
អ្នកស្រី គង់ កុសល នាយិកាផ្នែកពាណិជ្ជកម្មប្រចាំប្រទេសកម្ពុជារបស់ក្រុមហ៊ុនខាងលើនេះ បានបញ្ជាក់ថា៖ “យើងមានមោទនភាពក្នុងការរៀបចំកម្មវិធីបាល់ទាត់នេះ។ វាមិនមែនត្រឹមតែការប្រកួតបាល់ទាត់មួយមុខប៉ុណ្ណោះទេ តែវាក៏ជាឱកាសមួយសម្រាប់កីឡាករដើម្បីបញ្ចេញសកម្មភាពនិងបង្ហាញការឱ្យតម្លៃ មិត្តភាព ការងារជាក្រុម សាមគ្គីភាព និងការគោរពគ្នា នៅលើទីលានផងដែរ”។
ពានរង្វាន់ខាងលើនេះ ក្រុមទទួលបានចំណាត់ថ្នាក់លេខ១ បានរង្វាន់ ៤ ៥០០ដុល្លារ ក្រុមចំណាត់ថ្នាក់លេខ២ ទទួលបានរង្វាន់ ២ ២០០ដុល្លារ ក្រុមចំណាត់ថ្នាក់លេខ៣ ទទួលបាន ១ ៥០០ដុល្លារ និងក្រុមលេខ៤ ទទួលបាន៧៥០ដុល្លារ។
នេះជាការបង្កើតឆ្នាំដំបូងហើយសម្រាប់ពានរង្វាន់ អាឃ្វ័ររៀស ដោយមានការចូលរួមយ៉ាងច្រើនពីសំណាក់ក្រុមបាល់ទាត់មិនអាជីពនៅកម្ពុជា។ ត្បិតតែមិនអាជីពមែន ប៉ុន្តែការប្រកួតទាំងអស់នឹងត្រូវធ្វើឡើងក្រោមការដឹកនាំរបស់អាជ្ញាកណ្ដាល ដែលទទួលស្គាល់ពីសហព័ន្ធកីឡាបាល់ទាត់កម្ពុជា៕