ស្របពេល Internet និង Smartphone រីកចម្រើន Wing លែងទូទាត់លុយប្រើសាច់ប្រាក់

2018-08-17 10:06:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារតែមានសេវាអ៊ីនធឺណេត របាយការណ៍ក៏បង្ហាញផងដែរថាប្រទេសកម្ពុជាមានអត្រាអ្នកប្រើប្រាស់ទូរស័ព្ទចល័តរហូតដល់ ១៦៦% នៃប្រជាជនសរុប ហើយប្រជាជនដែលប្រើទូរស័ព្ទប្រព័ន្ធស្មាតហ្វូនមានចំនួន ៣៩.៥% និងអត្រាកំណើនស្មាតហ្វូនមាន 39,5% ។

ដូច្នេះហើយថ្ងៃនេះ ធនាគារឯកទេសវីង (ខេមបូឌា) លីមីតធីត បានដាក់សម្ពោធជាផ្លូវការនូវសេវាកម្មទូទាត់ប្រាក់តាមទូរស័ព្ទចល័តរបស់ខ្លួន ដែលមានឈ្មោះថា “WingPay”។ សេវាកម្មទូទាត់ដោយមិនប្រើសាច់ប្រាក់តាមរយៈ “WingPay” អាចស្វែងរកបាននៅតាមបណ្តាហាង និងកន្លែងផ្តល់សេវាកម្មជាច្រើន នៅក្នុងរាជធានីភ្នំពេញ ក៏ដូចជាទីប្រជុំជននានានៅក្នុងប្រទេសកម្ពុជា។ អតិថិជនដែលមានគណនីវីងទាំងអស់ អាចធ្វើប្រតិបត្តិការទូទាត់ប្រាក់នេះ តាមរយៈការស្គេនកូដ QR បញ្ចូលលេខកូដទូទាត់ ឬចុច *989#។

ដោយសារវីងមានបណ្តាដៃគូជំនួញជាង ២០ ០០០ កន្លែងនៅទូទាំងប្រទេស ដោយរាប់ចាប់ពីអ្នកបើករ៉ឺម៉កកង់បី រទេះលក់ឥវ៉ាន់តាមផ្លូវ ផ្សារលក់ទំនិញ ហាងកាហ្វេ ភោជនីយដ្ឋាន ហាងកែសម្ផស្ស អាហារដ្ឋាន ស្ថានីយ ប្រេងឥន្ធនៈ និងហាងជាច្រើនទៀត សេវាកម្ម WingPay នឹងអនុញ្ញាតឲ្យអតិថិជនធ្វើប្រតិបត្តិការទូទាត់ប្រាក់ តាមរយៈទូរស័ព្ទដៃរបស់ពួកគេ មិនថាជាប្រភេទទូរស័ព្ទស្មាតហ្វូន ឬទូរស័ព្ធធម្មតាឡើយ។

WingPay ជាសេវាទូទាត់ដោយមិនប្រើសាច់ប្រាក់របស់ធនាគារឯកទេសវីង ដែលអាចធ្វើបានតាមអនឡាញ ឬស្គេនកូដ QR។ បន្ថែមពីលើសេវាកម្មទូទាត់ប្រាក់ដែលមានភាពងាយស្រួល អតិថិជនក៏ អាចរីករាយជាមួយនឹងការបញ្ចុះតម្លៃ និងប្រូម៉ូសិនជាច្រើន នៅពេលដែល ពួកគេដំណើរការទូទាត់ប្រាក់ដោយប្រើ WingPay នៅតាមបណ្តាហាងជាដៃគូរបស់វីងផងដែរ។ វាគឺជាមុខងារមួយក្នុងចំណោមមុខងារដែលមានអត្ថប្រយោជន៍ជាច្រើន នៅលើកម្មវិធីស្មាតហ្វូនវីង ដែលអនុញ្ញាតឱ្យអតិថិជនបង់វិក្កយបត្រ បញ្ចូលទឹកប្រាក់ទូរស័ព្ទ ផ្ទេរប្រាក់ បង្កើតលេខកូដទូទាត់តាមអនឡាញ និងជាច្រើនទៀត។ សម្រាប់ព័ត៌មានបន្ថែម សូមទំនាក់ទំនង៖ ធនាគារឯកទេសវីង (ខេមបូឌា) លីមីតធីត អ៊ីម៉ែល៖ marketing@wingmoney.com

អត្ថបទ៖ ថា ម៉ាលីដា