សមាគមកីឡាករបាល់ទាត់អេស្ប៉ាញចេញមុខប្រតិកម្មកិច្ចព្រមព្រៀង La Liga និងក្រុមហ៊ុនអាមេរិក
- 2018-08-17 10:55:31
- ចំនួនមតិ 0 | ចំនួនចែករំលែក 0
សមាគមកីឡាករបាល់ទាត់អេស្ប៉ាញចេញមុខប្រតិកម្មកិច្ចព្រមព្រៀង La Liga និងក្រុមហ៊ុនអាមេរិក
ចន្លោះមិនឃើញ
ក្រោយដំណឹង La Liga បានចុះកុងត្រា ១៥ ឆ្នាំជាមួយក្រុមហ៊ុនអាមេរិក Relevent បានផ្សព្វផ្សាយជាសាធារណៈ សមាគមកីឡាបាល់ទាត់អេស្ប៉ាញបានចេញមុខរិះគន់។
សមាគមមួយនេះ បានធ្វើការចោទប្រកាន់លីគកំពូលអេស្ប៉ាញថា "បំភ្លេចចោល" នូវសុខទុក្ខរបស់កីឡាករ ដោយមិនខ្វល់អំពីស្ថានភាពសុខភាព និងហានិភ័យដែលពួកគេអាចជួបប្រទះនៅពេលត្រូវបានបង្ខំឲ្យលេងយ៉ាងតិចមួយប្រកួតលីគ នៅទឹកដីអាមេរិកខាងជើង។ សមាគមដដែល បានលើកឡើងទៀតថា La Liga បានធ្វើការបំភ្លេចចោលនូវពលរដ្ឋដែលជាអ្នកគាំទ្រក្លឹប នៅពេលចុះកុងត្រាមួយនេះ។
សមាគមកីឡាករបាល់ទាត់អេស្ប៉ាញ បានចោទប្រកាន់លីគ La Liga ថាបានគិតតែផលប្រយោជន៍ខ្លួនឯង។ ប្រធានសមាគមមួយនេះ លោក David Aganzo បានគូសបញ្ជាក់ថា៖ "កីឡាករបាល់ទាត់មិនមែនជារូបិយប័ណ្ណដែលត្រូវបានប្រើប្រាស់ក្នុងមុខជំនួញ ដើម្បីផលប្រយោជន៍ភាគីទីបីនោះទេ"។
សូមបញ្ជាក់ផងដែរថា កាលពីម្សិលមិញ La Liga និងក្រុមហ៊ុន Relevent បានចុះកុងត្រារយៈពេល ១៥ ឆ្នាំ ដើម្បីបើកផ្លូវក្នុងការរៀបចំឲ្យមានការប្រកួតលីគកំពូលអេស្ប៉ាញយ៉ាងតិចមួយក្នុងមួយរដូវកាល នៅលើទឹកដីសហរដ្ឋអាមេរិក។
ក្លឹបដែលក្រុមហ៊ុន Relevent ចង់ឃើញមានវត្តមានក្នុងប្រកួតលីគនោះ រួមមាន Barcelona, Atletico Madrid ឬ Real Madrid៕