កុំចាំយូរ! តោះ...សាកល្បឿន Galaxy Note 9 ជាមួយ iPhone X តិចមើល៍
- 2018-08-17 12:13:31
- ចំនួនមតិ 0 | ចំនួនចែករំលែក 0
កុំចាំយូរ! តោះ...សាកល្បឿន Galaxy Note 9 ជាមួយ iPhone X តិចមើល៍
ចន្លោះមិនឃើញ
កន្លងទៅធ្លាប់មានការលេចធ្លាយលំដាប់ពិន្ទុនៃល្បឿនតេស្ត Multicore ចេញពីកម្មវិធី Geekbench 4 ដោយ iPhone X ទទួលបាន ១០,៣៥៧ លើស Glaxy Note 9 មានត្រឹម ៨ ៨៧៦។
មិនយូរប៉ុន្មានវីដេអូតេស្តផ្ទាល់នឹងដៃ ត្រូវបានទម្លាយចេញដោយក្រុម EverythingApplePro តាមរយៈការសាកបើកដំណើរការកម្មវិធីមានតាំងពីប្រភេទបណ្តាញសង្គម និងហ្គេមមួយចំនួន។
លក្ខណៈសម្បត្តិម៉ាស៊ីន Note 9 បំពាក់ឈីប Qualcomm Snapdragon 845 មានល្បឿន ២,៨GHz អម RAM 6GB ដំណើរការលើ Android 8.1 (Oreo) ស្របពេល iPhone X បំពាក់ឈីប Apple A11 Bionic រត់លើ RAM ទំហំ 3GB និងដំណើរការលើ iOS 11.4.1។
ការតេស្តនេះធ្វើឡើង ២ ជុំ ជាមួយ App ទាំង ១៧ ដោយជុំដំបូង iPhone X ទទួលលទ្ធផលល្អជាងប្រើពេលត្រឹម ២ នាទី ២៦ នាទី ធៀបនឹង Note 9 ដល់ ២ នាទី ៥៣ វិនាទី ។
ទៅមើលជុំទី ២ ត្រកូល Note ឆ្នាំ ២០១៨ បែរជាធ្វើបានលឿនជាង iPhone X ប្រើពេល ៤២ វិនាទី ធៀបនឹងគូបដិបក្ខដល់ ៤៥ វិនាទី ប៉ុន្តែសរុបរួមទាំងពីរជុំ iPhone ថ្លៃ ៩៩៩ ដុល្លារជាអ្នកឈ្នះប្រើពេល ៣ នាទី ១១ វិនាទី ខណៈ Note 9 ហក់ដល់ ៣ នាទី ៣៥ វិនាទី ។
បន្តពីនេះក្រុមការងារមាន Subscriber ជិត ៦ លាននាក់ក៏តេស្តផ្ទាល់លើកម្មវិធី Geekbench 4 ហើយទទួលលទ្ធផលពិតប្រហាក់ប្រហែលនឹងការលេចធ្លាយកន្លងមក ដោយ Note 9 ល្បឿន Single-Core ទទួលបាន ២ ៤១៤ ខណៈ Multi-Core បាន ៨ ២៣៣ ចំណែកឯ iPhone X ល្បឿន Single-Core ទទួលបាន ៤ ២៨២ ខណៈ Multi-Core បាន ១០ ៤៦៤។
ដោយឡែកនៅលើ AnTuTu ទូរសព្ទ iPhone X បែរជាចាញ់ប្រៀបមានត្រឹម ១៣១ ៧៨០ ពិន្ទុ ផ្ទុយទៅវិញ Note 9 ឡើងខ្ពស់ដល់ ២៧៩ ២៩១ ពិន្ទុ។
ទស្សនាវីដេអូខាងក្រោម:
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
ស្របពេល Internet និង Smartphone រីកចម្រើន Wing លែងទូទាត់លុយប្រើសាច់ប្រាក់
Server របស់ Apple ត្រូវយុវជន ១៦ ឆ្នាំ Hack ចូលបានសម្រេច