គិតទល់ពេលនេះ ហ្គេម PUBG Mobile មានអ្នកចុច Download ប៉ុន្មានលានដងហើយ?

2018-08-17 12:34:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ជំនាន់លើកំណែទូរសព្ទនៃហ្គេម PlayerUnknown's Battlegrounds Mobile (PUBG) កំពុងឈរលើគោលជំហរជោគជ័យ ក្រោយក្រុមហ៊ុន Tencent បានប្រកាសពីតួលេខអ្នកចុចទាញយកក្នុងរយៈពេល ៤ ខែកើនដល់ ១០០ លានដង ទាំងលើប្រព័ន្ធប្រតិបត្តិ iOS និង Android។

ជាតួលេខដ៏ល្អប្រសើរមួយ ពុំរាប់បញ្ចូលអ្នកលេងក្នុងប្រទេសចិន ជប៉ុន និងកូរ៉េ ដោយហ្គេមនេះក៏ធ្លាប់ជាប់ឈ្មោះជាហ្គេមមានអ្នកចុច Download ច្រើនបំផុតលើសពី ១០០ ប្រទេសក្នុងអំឡុងសប្តាហ៍ដំបូងនៃការប្រកាសឲ្យទាញយក។

បញ្ជាក់ថាក្រុមហ៊ុនប្រទេសចិន ក៏សង្កត់ធ្ងន់ថា PUBG Mobile ទទួលអ្នកលេងច្រើនជាង ១៤ លាននាក់ប្រចាំថ្ងៃ ហើយចំនួនក៏នឹងអាចកើនឡើង ផ្អែកតាមការទើបចាប់ដៃគូរវាងក្រុមហ៊ុន Tencent Games និង Paramount Pictures អនុញ្ញាតឲ្យអ្នកលេងអាចទទួលបានមាតិកាថ្មី ផ្អែកទៅតាមខ្សែភាពយន្ត Mission: Impossible Fallout ដោយរួមបញ្ចូលទាំងមាតិកាចម្រៀង ឈុតសំលៀកបំពាក់ ក៏ដូចជាការប្រកួតប្រជែងកាន់តែកក្រើកបន្ថែមទៀត។