២ ថ្ងៃទៀតដល់ហើយ! មានអីចង់ជូនពរអ្នកប្រលងបាក់ឌុបឆ្នាំនេះអត់?
- 2018-08-18 08:26:15
- ចំនួនមតិ 0 | ចំនួនចែករំលែក 0
២ ថ្ងៃទៀតដល់ហើយ! មានអីចង់ជូនពរអ្នកប្រលងបាក់ឌុបឆ្នាំនេះអត់?
ចន្លោះមិនឃើញ
នៅសល់តែ ២ ថ្ងៃទៀតប៉ុណ្ណោះ ការប្រលងយកសញ្ញាប័ត្រធំជាងគេក្នុងជិវិតសិក្សាថ្នាក់ចំណេះទូទៅនឹងឈានចូលមកដល់ហើយ។ ពេលនេះបេក្ខជនប្រលងមួយចំនួនបានត្រៀមខ្លួនរួចជាស្រេច ខណៈខ្លះទៀតកំពុងភ័យផង រំភើបផងជាមួយសង្វៀនលើវិស័យអប់រំនេះ។ ជាមួយគ្នាហ្នឹង មានអីចង់ជូនពរពួកគាត់អត់?
ក្នុងនាមជាបុគ្គលមានស្នាដៃក្នុងវិស័យអប់រំ គណៈគ្រប់គ្រង សាស្រ្តាចារ្យ បុគ្គលិក និស្សិត នៅសាកលវិទ្យាល័យអាមេរិកាំងភ្នំពេញ (AUPP) បានធ្វើសេចក្ដីប្រកាសជូនពរដល់សិស្សថ្នាក់ទី១២ទាំងអស់ឱ្យប្រឡងជាប់ និងទទួលបាននិទ្ទេសល្អគ្រប់ៗគ្នា។
សាស្រ្តាចារ្យបណ្ឌិត Kenneth Dunnសាកលវិទ្យាធិការនៃសាកលវិទ្យាលួខាងលើបានលើកឡើងថា៖ "យើងដឹងហើយថាអ្នកទាំងអស់បានខិតខំប្រឹងប្រែងរៀនសូត្រ ដើម្បីត្រៀមខ្លួនជាស្រេចចូលរួមក្នុងការប្រឡងដ៏មានសារសំខាន់នេះ។ សូមក្មួយៗទាំងអស់គ្នា សម្រាកឱ្យបានគ្រប់គ្រាន់ និងពង្រឹងស្មារតីដើម្បីកាត់បន្ថយភាពតានតឹង។ ចូរចងចាំថា ការចូលរួមក្នុងការប្រឡងដ៏សំខាន់បំផុតនេះ ក្មួយៗត្រូវបង្ហាញនូវភាពមានវិន័យលើខ្លួនឯង ការលើកទឹកចិត្ត និងការតស៊ូ ដើម្បីទទួលបានជោគជ័យក្នុងជិវិត"។ **ចុះអ្នកទាំងអស់គ្នា មានអីចង់ជូនពរ ដូច AUPP អត់?**
សាកលវិទ្យាល័យអាមេរិកាំងភ្នំពេញ (AUPP) ត្រូវបានទទួលស្គាល់ជាគ្រឹះស្ថានឧត្ដមសិក្សាឈានមុខគេនៅកម្ពុជាក្នុងការផ្ដល់ការអប់រំបែបអាមេរិក សម្រាប់ថ្នាក់បរិញ្ញាបត្រ និងបរិញ្ញាបត្រជាន់ខ្ពស់។ និស្សិត AUPP នឹងទទួលបានសញ្ញាប័ត្រពីរ បន្ទាប់ពីបញ្ចប់ការសិក្សាដោយជោគជ័យ។ សញ្ញាប័ត្រមួយចេញដោយ AUPP និងមួយទៀតចេញដោយសាកលវិទ្យាល័យអារីហ្សូណា (University of Arizona) ដែលមានការទទួលស្គាល់ជាសាកល។
AUPP មានទីតាំងស្ថិតនៅអគារលេខ ២៧៨Hផ្លូវលេខ ២០១ R ភូមិក្រោលគោ សង្កាត់គីឡូម៉ែត្ររលេខ៦ ខណ្ឌឫស្សីកែវ រាជធានីភ្នំពេញ។ ព័ត៌មានបន្ថែម សូមទាក់ទងទៅកាន់ទូរសព្ទលេខ៖ ០២៣ ៩៩០ ០២៣ / ០១២ ២៦៦ ៦៣១ / ០១២ ៨៩៨ ១២៤ឬចូលទៅកាន់គេហទំព័រ៖ www.aupp.edu.k៕