អ្នកគ្រប់គ្រងក្រុម BLACKPINK ធ្វើឲ្យគ្រប់គ្នាក្ដៅស្លឹកត្រចៀក ក្រោយច្រានបុរសចំណាស់ម្នាក់ចេញពីផ្លូវ
- 2018-08-20 02:12:48
- ចំនួនមតិ 0 | ចំនួនចែករំលែក 0
អ្នកគ្រប់គ្រងក្រុម BLACKPINK ធ្វើឲ្យគ្រប់គ្នាក្ដៅស្លឹកត្រចៀក ក្រោយច្រានបុរសចំណាស់ម្នាក់ចេញពីផ្លូវ
ចន្លោះមិនឃើញ
អ្នកគ្រប់គ្រងក្រុមចម្រៀង BLACKPINK កំពុងទទួលបានការរិះគន់ និងខឹងសម្បារជាខ្លាំង ក្រោយចាប់បានដោយកាមេរ៉ា ឃើញរុញបុរសវ័យចំណាស់ម្នាក់ចេញ ខណៈគាត់គ្រាន់តែដើរកាត់ផ្លូវសោះ។
តាមរូបភាព បុរសវ័យចំណាស់រូបនោះ ហាក់ដូចជាខឹង និងងាកបែរក្រោយ ស្ដីឲ្យអ្នកគ្រប់គ្រងរូបនោះ។ ក្រោយរឿងរ៉ាវទាំងនេះ ត្រូវបានផ្សព្វផ្សាយ មហាជនជាច្រើនក៏មានការខឹងសម្បារជាខ្លាំងដែរ រហូតដល់អ្នកខ្លះបញ្ចេញមតិថា៖
“តើគ្រាន់តែជាតារាល្បី អាចធ្វើឲ្យពួកគេក្លាយជាមនុស្សឋានៈខ្ពស់មែនទេ?”
"ហើយកន្លែងហ្នឹងក្រែងជាព្រលានយន្តហោះទេតើអី? ហើយអ្នកគ្រប់គ្រងហ្នឹង កំពុងធ្វើស្អីនៅកន្លែងសាធារណៈបែបនេះ វាមិនមែនជាកន្លែងធ្វើឡើងសម្រាប់តែ BLACKPINK នោះទេ"។
"គ្រប់គ្នាបានឃើញ គាត់ដើរឆ្លងកាត់ផ្លូវធម្មតា អ្នកគ្រប់គ្រងហ្នឹងដូចជាជ្រុលពេកហើយ"។
"គាត់ជាមនុស្សចាស់ណា ហើយដូចជាការពារក្រុមខ្លាំងម្ល៉េះ"។
ក្នុងការបញ្ចេញមតិទាំងនោះដែរ មហាជនបានបញ្ជាក់ដែរថា ពួកគេមិនបានស្ដីឲ្យក្រុម BLACKPINK នោះទេ ពួកគេសំដៅលើអ្នកគ្រប់គ្រងរូបនោះតែប៉ុណ្ណោះ៕