២ ចំណុចដែលគ្រូណាហ្គាមើលឃើញ នាំឲ្យក្រុមខ្លួនឈ្នះបឹងកេត ២-០
- 2018-08-20 07:45:23
- ចំនួនមតិ 0 | ចំនួនចែករំលែក 0
២ ចំណុចដែលគ្រូណាហ្គាមើលឃើញ នាំឲ្យក្រុមខ្លួនឈ្នះបឹងកេត ២-០
ចន្លោះមិនឃើញ
ក្រុមណាហ្គាវើលបានយកឈ្នះទៅលើក្រុមបឹងកេត ២-០ សម្រាប់សប្ដាហ៍ទី១៨ នៃលីគកំពូលកម្ពុជា ដើម្បីឡើងមកឈរកំពូលតារាងបណ្ដោះអាសន្នកាលពីចុងសប្ដាហ៍កន្លងទៅនៅស្តាតចាស់។
ទាក់ទងការប្រកួតដ៏ជក់ចិត្តនេះលោក មាស ចាន់ណា គ្រូបង្វឹកណាហ្គាវើលបានបញ្ជាក់ថា មានពីរចំណុចដែលធ្វើឲ្យណាហ្គាអាចឈ្នះបឹងកេត។
១- សុះ ស៊ូហាណា ៖ គ្រូបង្វឹកខាងលើមើលឃើញថា ការដាក់ ហាណា ឲ្យចូលលេងវគ្គទី២ គឺធ្វើឲ្យការប្រកួតលើទីលានផ្លាស់ប្ដូរទាំងស្រុង ពោលគឺកីឡាកររូបនេះនាំលេងបានល្អនៅចំណុចកណ្ដាលធ្វើឲ្យក្រុមរបស់លោកអាចបំបែកទម្រង់លេងរបស់បឹងកេតបាន។ មុនពេលដាក់កីឡាកររូបនេះចូល ចំណុចកណ្ដាលរបស់ណាហ្គាហាក់ចាញ់ប្រៀបបឹងកេត។ ប៉ុន្តែនៅពេលដាក់ ហាណា ចូលភ្លាមធ្វើឲ្យណាហ្គាប្រែជាមានទម្រង់លេងល្អជាងបឹងកេតវិញនៅត្រង់ចំណុចកណ្ដាល។
២- គ្មានលោក ហៅ សុជាតិ លើទីលាន៖ ចំណុចនេះលោកមាសចាន់ណាយល់ថា ការគ្មានគ្រូបង្វឹកបញ្ជាលើទីលានអាចធ្វើឲ្យប៉ះពាល់អារម្មណ៍កីឡាករផងដែរ។
គិតត្រឹមសប្ដាហ៍ទី១៨ ណាហ្គាវើល ឡើងមកឈរលេខ ១ បណ្ដោះអាសន្នដោយមាន ៤៤ ពិន្ទុស្របពេលបឹងកេតមាន ៤២ ពិន្ទុស្ថិតនៅលេខ២ លើវិសាខាដែលជាក្រុមលេខ ៣ មាន ៤១ ពិន្ទុ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
