សុំសរសើរ Kon Ant ចំណាយថវិកាផ្ទាល់ខ្លួនជួយដល់សាលាមធ្យមសិល្បៈ

2018-08-20 09:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តួអង្គទេវតាឆ្នាំថ្មី សុគា គីមលាង ហៅ Kont Ant បានចំណាយថវិកាជាង ១ពាន់ដុល្លារក្នុងការកុម្ម៉ង់ជាងឲ្យធ្វើគ្រឿងតួនាង ចំនួន៥ ដើម្បីជួយដល់ប្អូនៗជំនាន់ក្រោយកំពុងតែសិក្សានៅសាលាមធ្យមសិល្បៈ។

Kon Ant ថា នាងមានកេរ្តិ៍ឈ្មោះបោះសំឡេងក្នុងសិល្បៈនាពេលបច្ចុប្បន្ននេះដោយសារតែមានការបង្ហាត់បង្រៀនយ៉ាងយកចិត្តទុកដាក់ពីសំណាក់លោកគ្រូអ្នកគ្រូនៅសាលាមធ្យមវិចិត្រសិល្បៈផ្ទាល់តែម្ដង។ ដូច្នេះនាង មិនអាចបិទភ្នែកចោលកន្លែងដែលបានផ្ដល់អនាគតដល់ខ្លួនឡើយ ទោះបីការជួយនោះមិនច្រើនក្ដី តែវាគឺជាទឹកចិត្ត។

នាងថា៖" អ្វីដែលខ្ញុំជួយសាលា មិនច្រើនទេបងតែវាគឺជាទឹកចិត្តរបស់ខ្ញុំ។ គ្រឿងតួនាង ហ្នឹងខ្ញុំឲ្យគេធ្វើចំនួន ៥គ្រឿង បើគិតជាជាលុយជាង ១ពាន់ដុល្លារ ហើយខ្ញុំសប្បាយចិត្តដែលបានជួយសាលាផ្ដល់ចំណេះដឹងដល់រូបខ្ញុំ ទោះបីវាមិនច្រើន"។

បន្ថែមពីនេះស្រីស្អាតតែងតួទេវតាឆ្នាំថ្មី សូមជំរុញលើកទឹកចិត្តដល់ប្អូនៗជំនាន់ក្រោយចង់សិក្សារៀនសូត្រផ្នែកសិល្បៈកុំភ្លេចទៅចុះឈ្មោះចូលរៀន សាលាបើកវគ្គថ្មីនៅខែ កញ្ញានេះហើយ៕