ធ្វើសកម្មភាពល្អ លីឈី ពិធីការិនីទូរទស្សន៍ថោន ទទួលបានការសរសើរពីជនបរទេសទៀត

2018-08-20 12:28:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយបែកធ្លាយចំណងស្នេហាជាមួយលោក ប៊ុន រតនា នាយកគ្រប់គ្រងផលិតកម្មវិធីស្ថានីយ៍ទូរទស្សន៍ថោន កញ្ញា លីឈី បានងាកទៅ រើសសំរាមមុខវាំងយកមកច្នៃធ្វើជារបស់ប្រើប្រាស់ ក៏ទទួលបានការសរសើរពីជនបរទេសដែលកំពុងដើរកម្សាន្ត។

គេបានប្រទះឃើញ កញ្ញា លីឈី នាល្ងាចម្សិលមិញក្រោមភ្លៀងសស្រិច បានចេញបេសកកម្មដើររើសសំរាម ចូលរួមសម្អាតបរិស្ថាន និងយកសំរាមទាំងនោះ មកច្នៃជារបស់ប្រើប្រាស់ទៅតាមគុណសម្បត្តិនៃសំរាម ។

ផ្អែមតាមវីដេអូនេះ តារាសម្តែង និងពិធីការិនី ក្នុងកម្មវិធី “Happy Life Show” របស់ស្ថានីយទូរទស្សន៍ថោន បានអធិប្បាយថា មុខវាំងជាតំបន់ទេសចរណ៍មួយរបស់រាជធានី ដែលគប្បីត្រូវស្អាតជានិច្ច ផ្ទុយទៅវិញ បើពេញដោយសម្រាម នោះពិតជាគ្មាននរណាចង់មកនោះទេ។

ចំណុចគួរចាប់អារម្មណ៍ តារាស្រីជើងថ្មីរូបនេះ មិនមែនរើសទម្លាក់ចូលធុងសំរាមចោលទាំងអស់ទេ។ សំរាមខ្លះដែលមានអត្ថប្រយោជន៍ នាងយកទៅច្នៃចេញជាវត្ថប្រើប្រាស់ទៀតផង ក្នុងនោះ មានដូចជា សំបកដបទឹកសុទ្ធ ក្រវិលកំប៉ុង សមជ័រ ទុយោជាដើម។

លីឈី និងលោក ប៊ុន រតនា នាយកគ្រប់គ្រងផលិតកម្មវិធីស្ថានីយ៍ទូរទស្សន៍ថោន ដែលល្បីមានស្នេហ៍ជាមួយគ្នា

បន្ថែមពីលើនេះ អំឡុងពេលដើររើសសម្រាមមុខវាំងនេះដែរ លី ឈី ក៏ទទួលបានការសរសើរពីគូស្នេហ៍វ័យចំណាស់ ដែលជាជនបរទេសមួយគូថា សកម្មភាពនេះ ជាគំរូល្អថែមទៀត។ ទទួលបានការការសរសើរនេះ លី ឈី បញ្ជាក់ថា នាងនឹងបន្តបេសកកម្មនេះបន្តទៀតរាល់ពេលដែលនាងទំនេរពីការងារសិល្បៈ។ ជាពិសេសយកថ្ងៃសម្រាករបស់នាង មកសម្អាតបរិស្ថានតែម្តង ដើម្បីចូលរួមចំណែកទាក់ទាញទេសចរណ៍មកលេងកម្ពុជារបស់យើង៕