មិនធម្មតា! ចោម ច័ន្ទ មានបុរសបរទេសទៅបង្រៀនហាត់ប្រាណដល់ផ្ទះ
- 2018-08-21 02:43:53
- ចំនួនមតិ 0 | ចំនួនចែករំលែក 0
មិនធម្មតា! ចោម ច័ន្ទ មានបុរសបរទេសទៅបង្រៀនហាត់ប្រាណដល់ផ្ទះ
ចន្លោះមិនឃើញ
មួយរយៈចុងក្រោយនេះ ចោម ច័ន្ទ ហាក់បើកចំហទំនាក់ទំនងជាមួយបុរសជនជាតិអាហ្វ្រិកម្នាក់ដល់ថ្នាក់ណាត់គ្នាទៅបង្រៀនហាត់ប្រាណដល់ផ្ទះថែមទៀត។
ចោម ច័ន្ទ ឲ្យដឹងថាបុរសជនជាតិអាហ្វ្រិកដែលឧស្សាហ៍ចេញចូលផ្ទះនាង ទៅបង្រៀនហាត់ប្រាណស្ទើរតែរាល់ថ្ងៃមានឈ្មោះ Emmanuel Emmax ជាតារាបង្ហាញម៉ូដមួយរូបនៅអាហ្វ្រិក។ នាង និងតារាម៉ូដែលសាច់ដុំ ទើបតែស្គាល់គ្នាត្រឹមរយៈពេលខ្លីប៉ុណ្ណោះ ប៉ុន្តែមិនមានទំនាក់ទំនងអ្វីស៊ីជម្រៅជាមួយគ្នាលើពីមិត្តភ័ក្ដិឡើយអំឡុងពេលនេះ។
នាង ថា៖" អំឡុងពេលនេះបង និងគាត់មិនទាន់មានអ្វីនឹងគ្នាទេ ទៅថ្ងៃខាងមុខរឿងយើងទាំងពីរអាចក្លាយជាគូស្នេហ៍គ្នាអត់ បងសុំអត់និយាយ គ្រប់យ៉ាងនឹងបង្ហាញនៅពេលខាងមុខ"។
ទោះបីជាបងស្រី ដេនី ក្វាន់ មិនទាន់ហ៊ានទទួលស្គាល់ទំនាក់ទំនងខ្លួនជាមួយបុរសស្បែកខ្មៅ Emmanuel Emmax ថាជាស្នេហាក្ដី ក៏មហាជនមិនជឿដែរ ព្រោះមួយរយៈចុងក្រោយនេះអ្នកទាំងពីរទៅណាមកណាជាមួយគ្នាជាញឹកញាប់ បណ្ដើរគ្នាដូចគូស្នេហ៍ទៅហើយ។ អ្វីដែលគួរឲ្យចាប់អារម្មណ៍ បុរសមាឌធំរូបនេះមកបង្រៀននាង ហាត់ប្រាណនៅផ្ទះស្ទើរតែរាល់ថ្ងៃ៕
រូបថត៖ផ្ដល់ឲ្យដោយ ចោម ច័ន្ទ